Prakash Raj Surgery | ప్ర‌కాశ్ రాజ్‌కు స‌ర్జ‌రీ..అస‌లేం జ‌రిగిందంటే..?

ప్ర‌ముఖ విల‌క్ష‌ణ న‌టుడు ప్ర‌కాశ్ రాజ్ (Prakash Raj) కు గాయమైన‌ట్టు ఆయ‌న ట్వీట్ ద్వారా తెలియ‌జేశారు. స‌ర్జరీ కోసం హైద‌రాబాద్ కు వ‌స్తున్న‌ట్టు ట్వీట్ ద్వారా తెలియ‌జేశారు ప్ర‌కాశ్ రాజ్‌.

August 10, 2021 / 03:47 PM IST

Prakash Raj Surgery | ప్ర‌కాశ్ రాజ్‌కు స‌ర్జ‌రీ..అస‌లేం జ‌రిగిందంటే..?

ప్ర‌ముఖ సినీ న‌టుడు ప్ర‌కాశ్ రాజ్(Prakash Raj) కు స‌ర్జ‌రీ జ‌రుగనుంద‌న్న వార్త టాక్ ఆఫ్ ది టౌన్ గా మారింది. సోష‌ల్ మీడియాలో ప్ర‌కాశ్ రాజ్ పెట్టిన ట్వీట్ నెట్టింట్లో వైర‌ల్ అవుతోంది. ఓ ప్ర‌మాదంలో ప్ర‌కాశ్ రాజ్ కు గాయాలైన‌ట్టు ట్వీట్ ద్వారా తెలుస్తోంది. గాయాల‌కు శ‌స్త్ర చికిత్స చేయించుకోవ‌డం కోసం హైద‌రాబాద్ కు వ‌స్తున్న‌ట్టు ప్ర‌కాశ్ రాజ్ తెలిపారు. డాక్టర్ గురువారెడ్డి (Dr Guruvareddy) త‌న‌ను బాగా చూసుకుంటున్నార‌ని, ఆయ‌న ప‌ర్య‌వేక్ష‌ణ‌లో స‌ర్జ‌రీ జ‌రుగనుంద‌ని చెప్పారు ప్ర‌కాశ్ రాజ్‌.

త‌న‌కు చిన్న గాయమైంద‌ని, ఎవ‌రూ కంగారు ప‌డాల్సిందేమి లేద‌ని త‌న శ్రేయోభిలాషులు, ఫాలోవ‌ర్లు, అభిమానుల‌కు తెలియ‌జేశారు. ట్వీట్ ద్వారా స‌ర్జ‌రీ విష‌యం చెప్పిన ప్ర‌కాశ్ రాజ్‌…ఇంత‌కీ ఆయ‌న షూటింగ్ లో గాయ‌ప‌డ్డారా..? లేదా ఇంకెక్కడైనా ప్ర‌మాదం జ‌రిగిందా..? అనే దానిపై మాత్రం క్లారిటీ ఇవ్వ‌లేదు. ప్ర‌కాశ్ రాజ్ ప్ర‌స్తుతం ప‌లు సినిమాల‌తో బిజీగా ఉన్నారు. కృష్ణ‌వంశీ ద‌ర్శ‌క‌త్వంలో తెర‌కెక్కుతున్న రంగ‌మార్తాండ చిత్రంలో కీల‌క పాత్ర‌లో న‌టిస్తున్నారు ప్ర‌కాశ్ రాజ్‌.

ఈ విల‌క్ష‌ణ న‌టుడి ఖాతాలో భారీ ప్రాజెక్టులే ఉన్నాయి. పాన్ ఇండియా సినిమా మేజ‌ర్ సినిమాలో కీ రోల్ చేస్తున్నారు. ప్ర‌శాంత్ నీల్ డైరెక్ష‌న్ లో వ‌స్తున్న కేజీఎఫ్ చాఫ్ట‌ర్ 2లో, అల్లు అర్జున్ పాన్ ఇండియా ప్రాజెక్టు పుష్ప‌, సూప‌ర్ స్టార్ మ‌హేశ్ బాబుతో స‌ర్కారు వారి పాట లో కీల‌క పాత్ర పోషిస్తున్నాడు. మ‌ణిర‌త్నం తెర‌కెక్కిస్తోన్న భారీ మ‌ల్టీస్టార‌ర్ పొన్నియ‌న్ సెల్వ‌న్ లో ముఖ్య పాత్ర పోషిస్తుండ‌గా..మ‌రోవైపు ర‌జినీకాంత్ హీరోగా వ‌స్తున్న అన్నాత్తే లో న‌టిస్తున్నారు.

A small fall.. a tiny fracture.. flying to Hyderabad into the safe hands of my friend Dr Guruvareddy for a surgery. I will be fine nothing to worry .. keep me in your thoughts 😊😊😊🤗🤗🤗
— Prakash Raj (@prakashraaj) August 10, 2021