రాజాసాబ్‌ సంగీత ప్రయాణం

అగ్ర హీరో ప్రభాస్‌ నటిస్తున్న క్రేజీ పానిండియా హారర్‌ కామెడీ మూవీ ‘ది రాజాసాబ్‌'. నిధి అగర్వాల్‌, మాళవిక మోహనన్‌, రిద్ది కుమార్‌ కథానాయికలు. సంజయ్‌దత్‌ కీలక పాత్ర పోషిస్తున్నారు.

అగ్ర హీరో ప్రభాస్‌ నటిస్తున్న క్రేజీ పానిండియా హారర్‌ కామెడీ మూవీ ‘ది రాజాసాబ్‌’. నిధి అగర్వాల్‌, మాళవిక మోహనన్‌, రిద్ది కుమార్‌ కథానాయికలు. సంజయ్‌దత్‌ కీలక పాత్ర పోషిస్తున్నారు. మారుతి దర్శకత్వంలో పీపుల్‌ మీడియాఫ్యాక్టరీ పతాకంపై టి.జి.విశ్వప్రసాద్‌ నిర్మిస్తున్న ఈ చిత్రం సంక్రాంతి కానుకగా జనవరి 9న విడుదల కానుంది. ప్రమోషన్‌లో భాగంగా ఇప్పటికే విడుదల చేసిన ప్రచార చిత్రాలు సినిమాపై అంచనాలను పెంచాయని మేకర్స్‌ ఆనందం వెలిబుచ్చుతున్నారు.

ఇందులో భాగంగా ఈ నెల 17న ఈ సినిమాలోని రెండో పాటను మేకర్స్‌ విడుదల చేయనున్నారు. ‘సహన సహన..’ అంటూ సాగే ఈ పాటకు సంబంధించిన ప్రోమోను ఈ సందర్భంగా ఆదివారం మేకర్స్‌ విడుదల చేశారు. ట్రెడిషనల్‌ కాస్ట్యూమ్స్‌తో అల్ట్రా ైస్టెలిష్‌ వైబ్‌ క్రియేట్‌ చేసేలా విభిన్నంగా ఈ పాటలో కనిపిస్తున్నారు ప్రభాస్‌. తమన్‌ కెరీర్‌లో బెస్ట్‌ మెలొడీగా ఈ పాట నిలుస్తుందని మేకర్స్‌ చెబుతున్నారు. ప్రభాస్‌, నిధి అగర్వాల్‌పై చిత్రీకరించిన ఈ పాటలో లొకేషన్స్‌ కూడా హైలైట్‌గా నిలుస్తాయని మేకర్స్‌ అన్నారు. ఈ చిత్రానికి కెమెరా: కార్తీక్‌ పళని.