డార్లింగ్‌తో మళ్లీ?

వెండితెరపై కొన్ని హిట్‌ పెయిర్స్‌ని ఆడియన్స్‌ అమితంగా అభిమానిస్తారు. వారి కాంబినేషన్‌ని మళ్లీ మళ్లీ చూడటానికి ఇష్టపడతారు. అలాంటి హిట్‌ పెయిరే.. ప్రభాస్‌, అనుష్క. వీరి కలయికకు సక్సెస్‌ పర్సంటేజ్‌ ఎక్కువ. ‘బాహుబలి’ ఫ్రాంచైజీ తర్వాత ఈ జంట మళ్లీ వెండితెరపై కలిసి కనిపించలేదు.

వెండితెరపై కొన్ని హిట్‌ పెయిర్స్‌ని ఆడియన్స్‌ అమితంగా అభిమానిస్తారు. వారి కాంబినేషన్‌ని మళ్లీ మళ్లీ చూడటానికి ఇష్టపడతారు. అలాంటి హిట్‌ పెయిరే.. ప్రభాస్‌, అనుష్క. వీరి కలయికకు సక్సెస్‌ పర్సంటేజ్‌ ఎక్కువ. ‘బాహుబలి’ ఫ్రాంచైజీ తర్వాత ఈ జంట మళ్లీ వెండితెరపై కలిసి కనిపించలేదు. వారి కాంబినేషన్‌లో సినిమా వస్తే చూడాలని కోరుకునే ప్రేక్షకులు కోకొల్లలు. వారందరి కోరిక త్వరలో తీరబోతున్నట్టు తెలుస్తున్నది. సందీప్‌రెడ్డి వంగా దర్శకత్వంలో ప్రభాస్‌ ‘స్పిరిట్‌’ అనే సినిమా చేస్తున్న విషయం తెలిసిందే. ఈ సినిమాలో దీపిక పదుకొణే కథానాయికగా ఎంపికైనట్టు వార్తలు వస్తున్నాయి. అయితే.. ఈ కథలో మరో కథానాయికకు కూడా ఛాన్స్‌ ఉందట. ఆ పాత్రకు సౌత్‌ స్టార్‌ హీరోయిన్‌ అయితే బావుంటుందని సందీప్‌రెడ్డి వంగా భావిస్తున్నారట. పైగా సెకండాఫ్‌లో వచ్చే ఆ పాత్ర కథలో కీలకంగా ఉంటుందని సమాచారం. అందుకే ఈ పాత్రను అనుష్కతో చేయించాలని సందీప్‌రెడ్డి ప్రయత్నాలు మొదలుపెట్టారట. ఇదే నిజమైతే.. ఈ జంటను ఇష్టపడేవాళ్లకు ‘స్పిరిట్‌’ ఓ కన్నుల విందే కానున్నదని ప్రత్యేకించి చెప్పాల్సిన పనిలేదు.