బీచ్‌లో పూజాహెగ్డే..ఎక్క‌డికి వెళ్లిందో..?

ఎప్పుడూ ఏదో ఒక అప్ డేట్ తో వార్త‌ల్లో నిలుస్తున్న హీరోయిన్ ఎవ‌రైనా ఉన్నారా అంటే ఠ‌క్కున గుర్తొచ్చే వారిలో టాప్ ప్లేస్ లో ఉంటుంది పూజాహెగ్డే.

July 11, 2021 / 08:40 PM IST

బీచ్‌లో పూజాహెగ్డే..ఎక్క‌డికి వెళ్లిందో..?

ఎప్పుడూ ఏదో ఒక అప్ డేట్ తో వార్త‌ల్లో నిలుస్తున్న హీరోయిన్ ఎవ‌రైనా ఉన్నారా అంటే ఠ‌క్కున గుర్తొచ్చే వారిలో టాప్ ప్లేస్ లో ఉంటుంది పూజాహెగ్డే. ఈ ముంబై భామ భాష‌తో సంబంధం లేకుండా బ్యాక్ టు బ్యాక్ సినిమాలు చేస్తూ ముందుకెళ్తుంది. భారీ బ‌డ్జెట్ చిత్రాల్లో న‌టిస్తూ బిజీ బిజీగా ఉన్న పూజాహెగ్డే వెకేష‌న్ టూర్ ప్లాన్ చేసిందా..అంటే అవున‌నే అంటున్నారు సినీ జ‌నాలు. పూజా ఇన్ స్టాగ్రామ్ లో పెట్టిన స్టిల్ పై ఇపుడు అంద‌రి క‌న్నుప‌డ్డ‌ది.

జీన్స్ షార్ట్‌, క్యూట్ టీ ష‌ర్ట్‌లో పూజా బీచ్ ద‌గ్గ‌రున్న స్టిల్ నెట్టింట్లో చ‌క్క‌ర్లు కొడుతోంది. ఈదురు గాలుల క్షణాలు.. అంటూ ఓ స్టిల్ ను పోస్ట్ చేసింది పూజా. బీచ్ శ‌బ్దాలు అంటూ మ‌రో ఫొటోతోపాటు హ‌ర్ట్ ఎమోజీల‌ను పోస్ట్ చేసింది. నీటిలోకి జంప్ చేస్తున్న జిఫ్ ఇమేజ్ ను షేర్ చేసింది. మొత్తానికి బీచ్ వెంట చ‌క్క‌ర్లు కొడుతూ ఫ‌న్ టైంను ఎంజాయ్ చేసిన‌ట్టు ఫొటోల‌ను చూస్తే అర్థ‌మ‌వుతోంది. అయితే ఇంత‌కీ పూజాహెగ్డే ఎక్క‌డ చ‌క్క‌ర్లు కొడుతుంద‌న్నది మాత్రం స‌స్పెన్స్ గా నే ఉంది.