విజయ్‌తో ఆటపాట

టాలీవుడ్‌లో తన జోరు కొనసాగిస్తూనే ఉంది అందాల తార పూజా హెగ్డే. తాజాగా ఆమె ఖాతాలో మరో క్రేజీ మూవీ చేరింది. విజయ్‌ దేవరకొండతో దర్శకుడు పరశురామ్‌ పెట్ల రూపొందించనున్న కొత్త సినిమాలో నాయికగా పూజానే ఎంచుకున్నట్లు సమాచారం.

టాలీవుడ్‌లో తన జోరు కొనసాగిస్తూనే ఉంది అందాల తార పూజా హెగ్డే. తాజాగా ఆమె ఖాతాలో మరో క్రేజీ మూవీ చేరింది. విజయ్‌ దేవరకొండతో దర్శకుడు పరశురామ్‌ పెట్ల రూపొందించనున్న కొత్త సినిమాలో నాయికగా పూజానే ఎంచుకున్నట్లు సమాచారం. గతంలో ఈ దర్శకుడు, హీరో కాంబినేషన్‌లో తెరకెక్కిన ‘గీత గోవిందం’ ఘన విజయాన్ని సాధించింది. విజయ్‌ దేవరకొండ కెరీర్‌కు గట్టి పునాది వేసింది. ఈ కాంబినేషన్‌లో వస్తున్న సినిమా కాబట్టి ఈ ప్రాజెక్ట్‌పై క్రేజ్‌ ఏర్పడింది. ఈ సినిమాలోని క్యారెక్టర్‌కు పూజా హెగ్డే అయితే బాగుంటుందని దర్శకుడు భావిస్తున్నారట. పైగా ఈ కథకు ఇప్పటిదాకా కలిసి నటించని జంట కావాలని అనుకుంటున్నారని సమాచారం. గతంలో పూరి జగన్నాథ్‌ దర్శకత్వంలో విజయ్‌ దేవరకొండ ప్రకటించిన ‘జనగణమన’ ప్రాజెక్ట్‌లో పూజా నాయికగా నటించాల్సింది. అనివార్య కారణాల వల్ల ఆ సినిమా పట్టాలెక్కలేదు. దీంతో పూజా, విజయ్‌ జోడీ తెరపైకి రాలేదు. ఇప్పుడు ఈ చిత్రంతో వీరి జోడీ కుదిరింది. ఈ సినిమా ‘గీత గోవిందం’ చిత్రానికి సీక్వెల్‌గా ఉంటుందా? లేక పూర్తిగా కొత్త కథనా అనేది తెలియాల్సిఉంది. ప్రస్తుతం పూజా హెగ్డే.. మహేష్‌ బాబు సరసన ‘గుంటూరు కారం’ చిత్రంలో నటిస్తున్నది.