Hrithik Roshan | మ్యాన్ ఆఫ్ మాసెస్, యంగ్ టైగర్ (Jr NTR) ఎన్టీఆర్ హిందీలో ‘వార్ 2’ సినిమా చేస్తున్న తెలిసిందే. భారీ యాక్షన్ ఎంటర్టైనర్గా వస్తున్న ఈ చిత్రంలో బాలీవుడ్ స్టార్ హీరో హృతిక్ రోషన్ హీరోగా నటిస్తున్నాడు. అయితే నేడు హృతిక్ రోషన్ పుట్టినరోజు. ఈ సందర్భంగా ప్రపంచవ్యాప్తంగా వున్న ఆయన అభిమానులు, పలువురు సినీ తారలు, వివిధ రంగాల ప్రముఖులు హృతిక్కు శుభాకాంక్షలు తెలుపుతున్నారు.
ఇక హృతిక్ పుట్టినరోజు సందర్భంగా ఎన్టీఆర్ కూడా ట్విట్టర్ వేదికగా స్పెషల్ విషెస్ తెలిపాడు. పుట్టినరోజు శుభాకాంక్షలు హృతిక్ సర్. మీకు ఈ సంవత్సరం గొప్పగా మంచి అనుభవాలతో సాగాలని కోరుతున్నాను. ఫైటర్ కి మా అభినందనలు అంటూ తారక్ రాసుకోచ్చాడు.
Happy Birthday @iHrithik sir… Wishing you an amazing one and a year full of good vibes. Big cheers to Fighter!
— Jr NTR (@tarak9999) January 10, 2024
బాలీవుడ్ స్టార్ డైరెక్టర్ అయాన్ ముఖర్జీ YRF Spy Universe బ్యానర్లో తెరకెక్కిస్తున్న చిత్రం వార్ 2. హృతిక్ రోషన్ (Hrithik Roshan), టైగర్ ష్రాఫ్ కాంబోలో వచ్చిన వార్కు కొనసాగింపుగా వస్తున్న ఈ ప్రాజెక్టులో జూనియర్ ఎన్టీఆర్ (Jr NTR) జాయిన్ కావడంతో అంచనాలు అమాంతం పెరిగిపోయాయి. ఇక ఈ చిత్రాన్ని 2025 ఆగస్టు 14న ప్రపంచవ్యాప్తంగా థియేటర్లలో గ్రాండ్గా విడుదల చేయనున్నట్టు ప్రకటించారు. YRF Spy Universeలో ఏక్తా టైగర్, టైగర్ జిందా హై, వార్, పఠాన్, టైగర్ 3 సినిమాల తర్వాత వస్తున్న ఆరో ప్రాజెక్టు కావడం విశేషం. ఇప్పటివరకు వచ్చిన సినిమాలన్నింటి బాక్సాఫీస్ వద్ద మోత మోగించాయి. టైగర్ 3 ఎండింగ్లో వార్ 2 గ్లింప్స్ కూడా ప్లే చేయగా.. ప్రేక్షకులు థ్రిల్కు గురవుతున్నారు.