సంచారి సంచారి నినదించే రణభేరి..

విఖ్యాత దర్శకుడు ఎస్‌.ఎస్‌.రాజమౌళి ప్రేక్షకులకు వరుసపెట్టి స్వీట్‌ షాక్‌లు ఇచ్చేస్తున్నారు. మహేశ్‌బాబుతో తాను చేస్తున్న పాన్‌ వరల్డ్‌ మూవీ ‘SSMB 29’ విషయంలో ఎలాంటి అప్‌డేట్లూ ఇవ్వడం లేదంటూ ఇన్నాళ్లూ అసహనం వ్యక్తం చేసిన అభిమానులపై అప్‌డేట్ల వర్షం కురిపించేస్తున్నారాయన.

విఖ్యాత దర్శకుడు ఎస్‌.ఎస్‌.రాజమౌళి ప్రేక్షకులకు వరుసపెట్టి స్వీట్‌ షాక్‌లు ఇచ్చేస్తున్నారు. మహేశ్‌బాబుతో తాను చేస్తున్న పాన్‌ వరల్డ్‌ మూవీ ‘SSMB 29’ విషయంలో ఎలాంటి అప్‌డేట్లూ ఇవ్వడం లేదంటూ ఇన్నాళ్లూ అసహనం వ్యక్తం చేసిన అభిమానులపై అప్‌డేట్ల వర్షం కురిపించేస్తున్నారాయన. ఈ నవంబర్‌లో సర్‌ప్రైజులుంటాయని రాజమౌళి ముందే చెప్పారు. చెప్పినట్టే నవంబర్‌ ప్రారంభమైందో లేదో.. ‘గ్లోబ్‌ ట్రాటర్‌’ వేడుకను ఈ నెల 15న హైదరాబాద్‌ ఆర్‌ఎఫ్‌సీలో అట్టహాసంగా చేస్తున్నట్టు ప్రకటించేశారు.

అభిమానులు ఎదురు చూస్తున్న అప్‌డేట్లన్నీ ఆ వేడుకలోనే ఇచ్చేస్తామంటూ అందర్నీ ఊరించేశారు కూడా. ఈ నేపథ్యంలో సోమవారం అందరినీ ఆశ్చర్యపరుస్తూ.. అసలు ఏమాత్రం అనౌన్స్‌మెంట్‌ లేకుండా ఈ సినిమాలోని పాటను విడుదల చేశారు రాజమౌళి. ‘కాలాన్నీ శాసిస్తూ ప్రతిరోజూ పరుగేలే.. వేగాన్నే శ్వాసిస్తూ పెనుగాలై తిరిగేలే.. ఖండాలే దాటేస్తూ.. ఖగరాజై వాలే.. రారా.. రారా.. ధీరా.. ధృవతారా.. రారా.. స్వైరా.. సంచారా..’ అంటూ ఓ సాహస యాత్రికుడిని కీర్తిస్తూ ఈ పాట సాగింది. చైతన్యప్రసాద్‌ రాసిన ఈ పాటను శృతిహాసన్‌ తనదైన గంభీరమైన స్వరంతో ఆలపించారు. ఎం.ఎం.కీరవాణి స్వరకర్త. ‘సంచారి సంచారి నినదించే రణభేరి.. సంహారీ సంహారీ.. మృత్యువుపై తన స్వారీ..’ లాంటి పదాలు ఈ పాటలో గూజుబంప్స్‌ తెప్పిస్తున్నాయి. ఏదిఏమైనా తొలిపాటతోనే సంచలనానికి తెరతీశారు రాజమౌళి.