ఏ ఒక్కర్నీ నిరాశపరచదు

‘ఈ సినిమా షో ఇప్పటికే చాలామందికి వేశాం. అద్భుతమైన స్పందన వచ్చింది. ఈనెల 6న విజయవాడలో, 8న తిరుపతిలో షోలు వేస్తున్నాం. విడుదల తేదీకి ముందే ఓవర్సీస్‌లో హ్యాపీడేస్‌, శతమానంభవతి సినిమాల షోలు వేశాం. అవి పెద్ద హిట్స్‌ అయ్యియి.

‘ఈ సినిమా షో ఇప్పటికే చాలామందికి వేశాం. అద్భుతమైన స్పందన వచ్చింది. ఈనెల 6న విజయవాడలో, 8న తిరుపతిలో షోలు వేస్తున్నాం. విడుదల తేదీకి ముందే ఓవర్సీస్‌లో హ్యాపీడేస్‌, శతమానంభవతి సినిమాల షోలు వేశాం. అవి పెద్ద హిట్స్‌ అయ్యియి. ఆ సెంటిమెంట్‌తోనే ఈ మూవీని కూడా ఓవర్సీస్‌లో ఈ 10న విడుదల చేస్తున్నాం. 11న ఇక్కడ ప్రీమియర్స్‌ వేసి, 12న సినిమాను గ్రాండ్‌గా రిలీజ్‌ చేస్తాం. పూర్తి వినోదాత్మకంగా సాగే ఈ సినిమా అందరికీ నచ్చుతుంది’ అని దిల్‌రాజు అన్నారు. శిరీష్‌ సమర్పణలో దిల్‌రాజు ప్రొడక్షన్స్‌ పతాకంపై హర్షిత్‌రెడ్డి, హన్షితరెడ్డి నిర్మించిన చిత్రం ‘జనక అయితే గనక’. సుహాస్‌, సంగీర్తన జంటగా నటించిన ఈ చిత్రానికి సందీప్‌రెడ్డి బండ్ల దర్శకుడు. ఈ నెల 12న సినిమా విడుదల కానుంది. ఈ సందర్భంగా ఏర్పాటు చేసిన విలేకరుల సమావేశంలో దిల్‌రాజు మాట్లాడారు. ఈ సినిమా ఏ ఒక్కర్నీ నిరాశపరచదనీ, ప్రేక్షకుల స్పందన కోసం ఆసక్తిగా ఎదురుచూస్తున్నామని సుహాస్‌ చెప్పారు. ఈ సినిమా ఆద్యంతం ఐడియాలజీలపై ప్రయాణమేనని, తండ్రి, గ్రాండ్‌ మదర్‌, భార్య, భర్త.. ఇలా అందరికోణంలో ఈ కథ సాగుతుందని నిర్మాత హర్షిత్‌రెడ్డి చెప్పారు. ఇంకా దర్శకుడు సందీప్‌రెడ్డి, కథానాయిక సంగీర్తన కూడా మాట్లాడారు.