ప్రేమకు కొత్త భాష్యం

దినేష్‌తేజ్‌, శ్వేతా అవస్తి జంటగా నటిస్తున్న చిత్రం ‘మెరిసే మెరిసే’. పవన్‌కుమార్‌.కె దర్శకుడు. వెంకటేష్‌ కొత్తూరి నిర్మాత. ఈ నెల 6న విడుదలకానుంది. ఈ చిత్ర ట్రైలర్‌ను హీరో విశ్వక్‌సేన్‌ విడుదలచేశారు. ఆయన మాట్లాడుతూ ‘దినేష్‌ మంచి నటుడు. ఈ సినిమా విజయాన్ని సాధించి అతడికి గొప్ప పేరురావాలి. ట్రైలర్‌ బాగుంది. థియేటర్‌ అనుభూతికి ఏ ప్లాట్‌ఫామ్‌ సాటిరాదు. థియేటర్స్‌ పునఃప్రారంభంకావడం ఆనందంగా ఉంది’ అన్నారు. దర్శకుడు మాట్లాడుతూ ‘లవ్‌ ఎమోషనల్‌ ఎంటర్‌టైనర్‌ ఇది. జులాయిగా తిరిగే ఓ యువకుడి జీవితంలో ప్రేమ ఎలాంటి మార్పును తీసుకొచ్చిందనేది నవ్విస్తూనే ఆకట్టుకుంటుంది. ప్రేమను కొత్త కోణంలో ఆవిష్కరిస్తుంది. పీవీఆర్‌ పిక్చర్స్‌ ద్వారా ఈ చిత్రాన్ని విడుదలచేస్తున్నాం’ అని తెలిపారు. ఈ చిత్రానికి సంగీతం: కార్తిక్‌ కొడకండ్ల.