Rashmi | తిరుపతి ఘటనపై రష్మీ ఆగ్రహం.. ట్రోలింగ్‌పై గట్టి కౌంటర్ ఇచ్చిన జ‌బ‌ర్ధ‌స్త్ యాంక‌ర‌మ్మ‌

Rashmi | బుల్లితెర, వెండితెరపై తనదైన గుర్తింపు తెచ్చుకున్న ర‌ష్మీ గౌత‌మ్ మరోసారి జంతువుల‌పై త‌న‌కున్న‌ ప్రేమను చాటుకున్నారు. సమాజంలో జరుగుతున్న అన్యాయాలపై తరచుగా స్పందించే రష్మీ, ముఖ్యంగా మూగజీవాల సంరక్షణ విషయంలో ఎప్పుడూ ముందుంటారు. తాజాగా తిరుపతిలో జరిగిన ఒక ఘటనపై ఆమె చేసిన వ్యాఖ్యలు ఇప్పుడు పెద్ద చర్చకు దారితీశాయి.ఇటీవల ఆంధ్రప్రదేశ్‌లో డీజిల్ కొరత సమస్యపై నిరసనల నేపథ్యంలో తిరుపతిలో ఒక ర్యాలీ నిర్వహించారు.

Rashmi | బుల్లితెర, వెండితెరపై తనదైన గుర్తింపు తెచ్చుకున్న ర‌ష్మీ గౌత‌మ్ మరోసారి జంతువుల‌పై త‌న‌కున్న‌ ప్రేమను చాటుకున్నారు. సమాజంలో జరుగుతున్న అన్యాయాలపై తరచుగా స్పందించే రష్మీ, ముఖ్యంగా మూగజీవాల సంరక్షణ విషయంలో ఎప్పుడూ ముందుంటారు. తాజాగా తిరుపతిలో జరిగిన ఒక ఘటనపై ఆమె చేసిన వ్యాఖ్యలు ఇప్పుడు పెద్ద చర్చకు దారితీశాయి.ఇటీవల ఆంధ్రప్రదేశ్‌లో డీజిల్ కొరత సమస్యపై నిరసనల నేపథ్యంలో తిరుపతిలో ఒక ర్యాలీ నిర్వహించారు. ఈ ర్యాలీలో ఎద్దుల బండిపై ఆటోను, దానిపై కొంతమంది వ్యక్తులను ఎక్కించి ఎద్దులతో లాగించిన ఘటన జరిగింది. ఈ వీడియో సోషల్ మీడియాలో వైరల్ కావడంతో, రష్మీ గౌతమ్ తీవ్రంగా స్పందించారు.

నిరసన పేరుతో మూగజీవాలపై ఇంత భారం మోపడం క్రూరత్వమని ఆమె ఆగ్రహం వ్యక్తం చేశారు. “ఇలాంటి చర్యలు చేసే వారు తమ కర్మ ఫలితాన్ని అనుభవిస్తారు” అంటూ ఘాటుగా హెచ్చరించారు. అలాగే ఇలాంటి ఘటనలపై కఠిన చర్యలు తీసుకోవాలని ఆమె డిమాండ్ చేశారు. రష్మీ వ్యాఖ్యలపై కొంతమంది సోషల్ మీడియాలో ట్రోలింగ్‌కు దిగారు. గతంలో ఆమె నటించిన సినిమాలను ప్రస్తావిస్తూ వ్యక్తిగత విమర్శలు చేశారు. దీనికి ఆమె హుందాగా స్పందిస్తూ, “సెన్సార్ అనుమతి పొందిన సినిమాలపై విమర్శలు చేయడం కంటే, అసలు సమస్యపై దృష్టి పెట్టాలి” అని పేర్కొన్నారు.కొందరు నెటిజన్లు కోడి పందాలు, ఎడ్ల పందాల గురించి ప్రశ్నించగా, వాటికి కూడా ఆమె సమాధానం ఇచ్చారు. “ఇలాంటి కార్యక్రమాలకు రావాలని ఆహ్వానాలు వచ్చినా నేను ఎప్పుడూ వెళ్లలేదు. జంతువులకు హాని చేసే చర్యలకు నేను ఎప్పటికీ మద్దతు ఇవ్వను” అని స్పష్టం చేశారు.

ప్రస్తుతం ప్రపంచం మారుతున్న తరుణంలో జంతువులకు హాని చేయని ప్రత్యామ్నాయాలు అందుబాటులో ఉన్నాయని రష్మీ గుర్తుచేశారు. కేవలం విమర్శల కోసమే తనను లక్ష్యంగా చేసుకోవడం సరైంది కాదని, జంతువులపై హింసను సమర్థించడం మరింత తప్పు అని ఆమె పేర్కొన్నారు. తిరుపతి ఘటనతో ప్రారంభమైన ఈ వివాదం ఇప్పుడు సోషల్ మీడియాలో పెద్ద చర్చగా మారింది. ఒకవైపు రష్మీకి మద్దతుగా పలువురు నిలుస్తుండగా, మరోవైపు విమర్శలు కూడా కొనసాగుతున్నాయి. అయినప్పటికీ మూగజీవాల కోసం తన పోరాటం కొనసాగుతుందని రష్మీ స్పష్టం చేశారు.