డ్రెస్సులు ఒక్కోటి వెలకడితే కోటి..

హిట్‌ సినిమా ‘మిస్‌ శెట్టి మిస్టర్‌ పొలిశెట్టి’ తర్వాత నవీన్‌ పొలిశెట్టి నటిస్తున్న రొమాంటిక్‌ ఎంటర్‌టైనర్‌ ‘అనగనగా ఒక రాజు’. మీనాక్షి చౌదరి కథానాయిక. మారి దర్శకత్వంలో సూర్యదేవర నాగవంశీ, సాయిసౌజన్య నిర్మిస్తున్న ఈ చిత్రం సంక్రాంతి కానుకగా జనవరి 14న విడుదల కానుంది.

హిట్‌ సినిమా ‘మిస్‌ శెట్టి మిస్టర్‌ పొలిశెట్టి’ తర్వాత నవీన్‌ పొలిశెట్టి నటిస్తున్న రొమాంటిక్‌ ఎంటర్‌టైనర్‌ ‘అనగనగా ఒక రాజు’. మీనాక్షి చౌదరి కథానాయిక. మారి దర్శకత్వంలో సూర్యదేవర నాగవంశీ, సాయిసౌజన్య నిర్మిస్తున్న ఈ చిత్రం సంక్రాంతి కానుకగా జనవరి 14న విడుదల కానుంది. ఈ సందర్భంగా మేకర్స్‌ ప్రమోషన్స్‌లో వేగం పెంచారు. ఇందులో భాగంగా ఈ సినిమాలోని తొలిపాటను గురువారం మేకర్స్‌ విడుదల చేశారు. ‘ చాట్‌ జీపీటీ.. ఎవరే ఈ బ్యూటీ.. ఇంతందంగుందేంటీ హాయ్‌.. డ్రెస్సులు ఒక్కోటీ వెలకడితే కోటీ.. యే కిస్కీ భేటీ హే భాయ్‌..’ అంటూ సాగే ఈ పాటను గాయని నూతన మోహన్‌తో కలిసి నవీన్‌ పొలిశెట్టి స్వయంగా ఆలపించారు.

ప్రొఫెషనల్‌ సింగర్స్‌ స్థాయిలో ఈ పాటను నవీన్‌ పోలిశెట్టి పాడటం విశేషం. చంద్రబోస్‌ రాయగా, మిక్కీ జె.మేయర్‌ స్వరపరిచిన ఈ పాటకు శేఖర్‌ మాస్టర్‌ కొరియోగ్రఫీ అందించారు. ఈ పాట థియేటర్లలో పండుగ వాతావరణాన్ని సృష్టిస్తుందని మేకర్స్‌ చెబుతున్నారు. ఈ చిత్రానికి కెమెరా: జె.యువరాజ్‌, సమర్పణ: శ్రీకర స్టూడియోస్‌, నిర్మాణం: సితార ఎంటర్‌టైన్‌మెంట్స్‌, ఫార్చ్యూన్‌ఫోర్‌ సినిమాస్‌.