Nandu | పండు మాస్టర్ ఆరోగ్యంపై క్లారిటీ.. పుకార్లకు చెక్ పెట్టిన నటుడు నందు

Nandu | బుల్లితెరపై ప్రసారమైన ప్రముఖ డాన్స్ రియాలిటీ షో ‘ఢీ’ ద్వారా మంచి గుర్తింపు తెచ్చుకున్న కొరియోగ్రాఫర్ పండు మాస్టర్ ఇటీవల జరిగిన రోడ్డు ప్రమాదంతో ఆసుప‌త్రిలో చేరిన విష‌యం తెలిసిందే. విశాఖపట్నం జిల్లా ఆనందపురం సమీపంలో జరిగిన ఈ ప్రమాదంలో ఆయనకు తీవ్ర గాయాలైనట్లు వార్తలు రావడంతో పాటు, ఆరోగ్య పరిస్థితిపై సోషల్ మీడియాలో అనేక పుకార్లు వ్యాపించాయి.

Nandu | బుల్లితెరపై ప్రసారమైన ప్రముఖ డాన్స్ రియాలిటీ షో ‘ఢీ’ ద్వారా మంచి గుర్తింపు తెచ్చుకున్న కొరియోగ్రాఫర్ పండు మాస్టర్ ఇటీవల జరిగిన రోడ్డు ప్రమాదంతో ఆసుప‌త్రిలో చేరిన విష‌యం తెలిసిందే. విశాఖపట్నం జిల్లా ఆనందపురం సమీపంలో జరిగిన ఈ ప్రమాదంలో ఆయనకు తీవ్ర గాయాలైనట్లు వార్తలు రావడంతో పాటు, ఆరోగ్య పరిస్థితిపై సోషల్ మీడియాలో అనేక పుకార్లు వ్యాపించాయి. ముఖ్యంగా ఆయన ఇక నడవలేరని వస్తున్న ప్రచారం అభిమానుల్లో మరింత ఆందోళన కలిగించింది. అయితే ఈ వార్తలపై తాజాగా నటుడు నందు స్పందిస్తూ అసలు పరిస్థితిని వెల్లడించారు. సోషల్ మీడియాలో ప్రచారం జరుగుతున్న కథనాల్లో ఎలాంటి నిజం లేదని, పండు మాస్టర్ ప్రస్తుతం కోలుకుంటున్నారని ఆయన స్పష్టం చేశారు.

సమాచారం ప్రకారం, తగరపువలసలో నిర్వహించిన అమ్మవారి ఉత్సవాల్లో డాన్స్ ప్రోగ్రామ్ పూర్తి చేసిన అనంతరం పండు మాస్టర్ తన బృందంతో కలిసి కారులో హైదరాబాద్‌కు బయలుదేరారు. ప్రయాణ సమయంలో టీమ్‌లోని ఒకరికి అస్వస్థత కలగడంతో డ్రైవర్ వాహనాన్ని రోడ్డు పక్కన నిలిపాడు. ఆ సమయంలో కారు దిగిన పండు మాస్టర్ రోడ్డు పక్కనే నిలబడి ఉండగా, వెనుక నుంచి వేగంగా వచ్చిన ఒక వ్యాన్ అదుపుతప్పి వారి వాహనాన్ని ఢీకొట్టినట్లు తెలుస్తోంది. ఈ ఘటనలో పండు మాస్టర్‌కు గాయాలయ్యాయి. ప్రమాదం జరిగిన వెంటనే స్థానికులు ఆయనను సమీప ఆసుపత్రికి తరలించి చికిత్స అందించారు. అయితే ఈలోపే సోషల్ మీడియాలో ఆయన ఆరోగ్య పరిస్థితిపై పలు అసత్య కథనాలు వైరల్ అయ్యాయి. కాళ్లు పూర్తిగా దెబ్బతిన్నాయని, భవిష్యత్తులో నడవడం సాధ్యం కాదని ప్రచారం జరగడంతో అభిమానులు తీవ్ర ఆందోళన వ్యక్తం చేశారు.

ఈ నేపథ్యంలో నందు మాట్లాడుతూ, పండు మాస్టర్‌కు రెండు శస్త్రచికిత్సలు జరిగాయని తెలిపారు. ప్రస్తుతం ఆయన ఆరోగ్య పరిస్థితి నిలకడగా ఉందని, వైద్యుల పర్యవేక్షణలో చికిత్స కొనసాగుతోందని చెప్పారు. అంతేకాకుండా ఆయన అందరితో సాధారణంగా మాట్లాడుతున్నారని, ఆసుపత్రికి వచ్చిన వారిని కూడా ఆప్యాయంగా పలకరిస్తున్నారని వెల్లడించారు. పండు మాస్టర్ ధైర్యంగా పరిస్థితిని ఎదుర్కొంటున్నారని, ఆయనలో ఎలాంటి నిరాశ కనిపించడం లేదని నందు పేర్కొన్నారు. అభిమానులు సోషల్ మీడియాలో వచ్చే పుకార్లను నమ్మవద్దని, అధికారిక సమాచారం వచ్చినప్పుడే విశ్వసించాలని సూచించారు.ప్రమాదం తీవ్రంగానే జరిగినప్పటికీ, సమయానికి చికిత్స అందడంతో పండు మాస్టర్ ప్రాణాపాయం నుంచి బయటపడ్డారని సమాచారం. ప్రస్తుతం ఆయన కోలుకునే దశలో ఉన్నారని, త్వరలోనే పూర్తిగా కోలుకుని మళ్లీ తన పనుల్లోకి తిరిగి వస్తారని సన్నిహితులు ఆశాభావం వ్యక్తం చేస్తున్నారు.