Visit:
అగ్ర కథానాయకుడు అక్కినేని నాగార్జున తన సినీ ప్రయాణంలో కీలకమైన మైలురాయిని చేరారు. ఆయన నూరవ చిత్రం ‘కింగ్ 100’ (వర్కింగ్ టైటిల్)ని దసరాకి విడుదల చేసేందుకు సన్నాహాలు చేస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతున్నది. అసాధారణ స్థాయికి ఎదిగిన ఓ సాధారణ వ్యక్తి జీవన ప్రయాణమే ఈ సినిమా అని ఇన్సైడ్ టాక్.
ఇందులో నాగార్జున పాతికేళ్ల యువకుడిగా, అరవై ఏళ్ల వృద్ధునిగా కనిపించబోతున్నారు. ఈ రెండూగాక, మరో గెటప్లో కూడా నాగ్ కనిపిస్తారని తెలుస్తున్నది. దీనికోసం డీ ఏజింగ్ టెక్నాలజీని ఉపయోగించారు.
దర్శకుడు రా.కార్తీక్ అత్యంత ప్రతిష్టాత్మకంగా తెరకెక్కిస్తున్న ఈ చిత్రం షూటింగ్ జూన్ నాటికి పూర్తవుతుందట. మరోవైపు పోస్ట్ ప్రొడక్షన్ పనులు కూడా జరుగుతున్నాయి. ఇదిలావుంటే.. జూన్ చివరివారంలో కల్యాణ్కృష్ణ సినిమా షూటింగ్లోకి ఎంట్రీ ఇస్తారు నాగ్. ఈ సినిమాను సంక్రాంతికి విడుదల చేయాలని నాగార్జున సన్నాహాలు చేస్తున్నారు. మొత్తంగా రాబోతున్న దసరా, సంక్రాంతి పండుగలను టార్గెట్ చేశారు నాగార్జున.
