Oscar 2023 | చరిత్ర సృష్టించిన ఆర్ఆర్‌ఆర్‌.. ‘నాటు నాటు’ పాటకు ఆస్కార్‌

Naatu Naatu Wins Win Oscar | ఎప్పుడెప్పుడా అని తెలుగు ప్రేక్షకులు కళ్లు కాయలు కాచేలా ఎదురు చూసిన క్షణం రానే వచ్చింది. ఒరిజినల్‌ సాంగ్‌ కేటగిరిలో 'నాటు నాటు'ను ఆస్కార్‌ వరించింది.

Naatu Naatu Wins Win Oscar | ఎప్పుడెప్పుడా అని తెలుగు ప్రేక్షకులు కళ్లు కాయలు కాచేలా ఎదురు చూసిన క్షణం రానే వచ్చింది. ఒరిజినల్‌ సాంగ్‌ కేటగిరిలో ‘నాటు నాటు’ పాటను ఆస్కార్‌ వరించింది. ఎమ్‌.ఎమ్‌ కీరవాణి, చంద్రబోస్‌ ఆస్కార్‌ అవార్డులు అందుకున్నారు. ప్రపంచ వేదికపై తెలుగు సినీ కీర్తి పతాకం రెపరెపలాడింది. ఖండాంతరాలకు వ్యాపించిన తెలుగోడి ప్రతిభకు ఆస్కార్‌ పట్టం కట్టింది. దర్శక దిగ్గజం రాజమౌళి తెరకెక్కించిన ఈ సినిమాలో రామ్‌చరణ్‌, ఎన్టీఆర్‌ నటించారు.

వరల్డ్‌ వైడ్‌గా 81 పాటలు ఆస్కార్‌కు ఎంట్రీ ఇవ్వగా.. తుది జాబితాలో ఐదు పాటలు ఆస్కార్‌కు షార్ట్‌ లిస్ట్‌ అయ్యాయి. నాటు నాటు తో పాటు టెల్‌ ఇట్‌ లైక్‌ ఏ ఉమెన్‌ (అప్లాజ్‌), హోల్డ్‌ మై హ్యాండ్‌ (టాప్‌గన్‌:మావెరిక్‌), లిఫ్ట్‌ మీ అప్‌ (బ్లాక్‌ పాంథర్‌), దిస్‌ ఈజ్‌ లైఫ్‌ (ఎవ్రీథింగ్‌ ఎవ్రీవేర్ ఆల్‌ ఎట్‌ వన్స్‌) పాటలు ఆస్కార్‌కు పోటీ పడగా.. నాటు నాటు పాట ఆస్కార్‌ గెలిచి చరిత్ర సృష్టించింది.

'Naatu Naatu' from 'RRR' wins the Oscar for Best Original Song! #Oscars #Oscars95 pic.twitter.com/tLDCh6zwmn

— The Academy (@TheAcademy) March 13, 2023

ఇప్పటికే ఎన్నో ఇంటర్నేషనల్‌ అవార్డులు గెలుచుకున్న నాటు నాటు పాటకు ఇప్పుడు ఆస్కార్‌ రావడంతో భారతీయ సినీ ప్రేక్షకుల ఆనందానికి అవదుల్లేకుండా పోయాయి. ఇటీవలే ఆస్కార్‌ తర్వాత అత్యంత ప్రతిష్టాత్మక అవార్డుగా భావించే గోల్డెన్‌ గ్లోబ్‌ అవార్డును నాటు నాటు పాట గెలుచుకుంది. ఆ అవార్డు గెలుచుకున్న తొలి ఆసియా పాట ఇదే. రిహాన్నా పాడిన లిఫ్ట్‌ మి అప్‌, టేలర్‌ స్వీఫ్ట్‌ పాడిన కరోలినా, లేడీ గాగా పాడిన హోల్డ్‌ మై హ్యాండ్‌ పాటలను వెనక్కి నెట్టి.. బెస్ట్‌ ఒరిజినల్‌ సాంగ్‌ విభాగంలో గోల్డెన్‌ గ్లోబ్‌ అవార్డును కైవసం చేసుకోవడం విశేషం.

https://www.youtube.com/watch?v=OsU0CGZoV8E

మరో ప్రతిష్ఠాత్మకమైన ఇంటర్నేషనల్‌ అవార్డు క్రిటిక్స్‌ చాయిస్‌ను కూడా నాటు నాటు దక్కించుకుంది. ఇందులో బెస్ట్‌ సాంగ్‌ అవార్డును నాటు నాటు సొంతం చేసుకోగా, ఉత్తమ విదేశీ భాషా చిత్రంగా ఆర్‌ఆర్‌ఆర్‌ నిలిచింది. ఉత్తమ పాట విభాగంలో హాలీవుడ్‌ క్రిటిక్స్‌ అసోసియేషన్‌ (HCA) అవార్డును నాటు నాటు సొంతం చేసుకున్నది. బెస్ట్‌ యాక్షన్‌ ఫిల్మ్‌, బెస్ట్‌ స్టంట్స్‌, ఉత్తమ అంతర్జాతీయ చిత్రం విభాగాల్లో ఆర్‌ఆర్‌ఆర్‌ సినిమా హెచ్‌సీఏ అవార్డులు దక్కించుకున్నది. బెస్ట్‌ సాంగ్‌ విభాగంలో హ్యూస్టన్‌ ఫిల్మ్‌ క్రికెట్‌ సొసైటీ అవార్డును కూడా నాటు నాటు కైవసం చేసుకున్నది. అదేవిధంగా ఒరిజినల్‌ సాంగ్‌ విభాగంలో ఆన్‌లైన్‌ ఫిల్మ్‌ క్రిటిక్స్‌ సొసైటీ (OFCS) అవార్డును సైతం ఈ పాట సొంతం చేసుకోవడం గమనార్హం.

That’s what it is ❤️❤️ #RRRatOSCARS #Oscar #naatu #mmkeeravani #telugu #RRRFanCelebRRRation #Oscars95 #RRRMovie pic.twitter.com/MREatXihqT

— Mouli (@Harinmouli) March 13, 2023

ఎమ్‌.ఎమ్‌ కీరవాణి స్వరపరిచిన నాటు నాటు పాటకు చంద్రబోస్‌ సాహిత్యం అందించాడు. కాల భైరవ, రాహుల్‌ సిప్లీగంజ్‌ ఆలపించారు. ప్రేమ్‌ రక్షిత్‌ స్వరాలు సమకూర్చాడు. ఈ పాటకు కాస్ట్యూమ్‌ డిజైనర్‌గా రమా రాజమౌళి పనిచేసింది.

ఇంతకుముందు సంగీత దర్శకుడు ఏఆర్ రెహమాన్ మ్యూజిక్ అందించిన స్లమ్‌డాగ్‌ మిలియనీర్‌ సినిమాలోని ‘జయహో’ పాటకు ఆస్కార్ వచ్చింది. దీనిని హాలీవుడ్ దర్శకుడు డానీ బోయల్ తెరకెక్కించారు.

Indeed, this is The Acche Din of Indian Cinema. 😀♥️

‘RRR’ song ‘Natu-Natu’ made history, and won the award at #Oscars 2023.

• First ever song from an Asian Film to win an oscar
• Fourth ever Non-English song to win an oscar
• First ever oscar win from an Indian film pic.twitter.com/lD9ukGH2P4

— Rashmi Sharma (@BebakRashmi) March 13, 2023