Mrityunjay | ఓటీటీలోకి ‘మృత్యుంజయ్’ .. నెట్‌ఫ్లిక్స్‌లో సంద‌డి చేసేందుకు సిద్ధ‌మైన శ్రీ విష్ణు సినిమా

Mrityunjay | టాలీవుడ్ హీరో శ్రీ విష్ణు నటించిన క్రైమ్ యాక్షన్ థ్రిల్లర్ మృత్యుంజయ్ థియేటర్లలో స‌క్సెస్ ఫుల్‌ రన్‌ను పూర్తి చేసుకుని ఇప్పుడు ఓటీటీ ప్రేక్షకులను అలరించేందుకు సిద్ధమవుతోంది. దర్శకుడు హుస్సేన్ షా కిరణ్ తెరకెక్కించిన ఈ చిత్రం ప్రయోగాత్మక కథాంశంతో ప్రేక్షకులను ఆకట్టుకుంది.

Mrityunjay | టాలీవుడ్ హీరో శ్రీ విష్ణు నటించిన క్రైమ్ యాక్షన్ థ్రిల్లర్ మృత్యుంజయ్ థియేటర్లలో స‌క్సెస్ ఫుల్‌ రన్‌ను పూర్తి చేసుకుని ఇప్పుడు ఓటీటీ ప్రేక్షకులను అలరించేందుకు సిద్ధమవుతోంది. దర్శకుడు హుస్సేన్ షా కిరణ్ తెరకెక్కించిన ఈ చిత్రం ప్రయోగాత్మక కథాంశంతో ప్రేక్షకులను ఆకట్టుకుంది. తాజా సమాచారం ప్రకారం, ప్రముఖ స్ట్రీమింగ్ ప్లాట్‌ఫారమ్ నెట్‌ఫ్లిక్స్‌ లో ఈ చిత్రం ఏప్రిల్ 3, 2026 నుంచి స్ట్రీమింగ్ అయ్యే అవకాశం ఉంది. అయితే ఈ విషయంపై ఇంకా అధికారిక ప్రకటన రావాల్సి ఉంది. తెలుగు సహా పలు భాషల్లో ఈ సినిమాను విడుదల చేసే అవకాశాలు ఉన్నాయని తెలుస్తోంది.

‘మృత్యుంజయ్’ సినిమా థియేటర్లలో ఓ మోస్తరు విజయాన్ని అందుకుంది. కథలోని థ్రిల్లింగ్ ఎలిమెంట్స్, స్క్రీన్‌ప్లేలో ఉన్న ట్విస్టులు ప్రేక్షకులను ఆకట్టుకున్నాయి. ముఖ్యంగా శ్రీ విష్ణు ఈ సినిమాలో కొత్త మేకోవర్‌లో కనిపించడం ప్రత్యేక ఆకర్షణగా నిలిచింది. ఈ చిత్రంలో రెబా మోనికా జాన్ హీరోయిన్‌గా నటించి తన పాత్రతో మెప్పించారు. అలాగే రచ్చ రవి, నెల్లూరు సుదర్శన్, సిజ్జు, అయ్యప్ప శర్మ వంటి నటులు కీలక పాత్రలు పోషించారు. క్రైమ్, యాక్షన్, ఎమోషన్ మేళవింపుతో రూపొందిన ఈ చిత్రం ప్రేక్షకులకు విభిన్న అనుభూతిని అందించింది.

లైట్ బాక్స్ మీడియా, పిక్చర్ పర్ఫెక్ట్ ఎంటర్‌టైన్‌మెంట్ బ్యానర్లపై సందీప్ గున్నం, వినయ్ చిలకపాటి ఈ చిత్రాన్ని నిర్మించారు. సంగీతాన్ని కాలభైరవ అందించగా, బ్యాక్‌గ్రౌండ్ స్కోర్ సినిమాకు మరింత బలం చేకూర్చింది. థియేటర్లలో మంచి స్పందన పొందిన మృత్యుంజయ్ ఇప్పుడు ఓటీటీ ద్వారా చాలా మంది ప్రేక్షకులను చేరుకునేందుకు సిద్ధమవుతోంది. నెట్‌ఫ్లిక్స్‌లో విడుదల అయితే, ఈ చిత్రం మరింత పాపులారిటీ సాధించే అవకాశం ఉంది.