Anil kumar yadav | ‘నాకు కొడాలి నాని త‌ప్ప ఏ నానీ తెలియ‌దు’.. ఏపీ మంత్రి కౌంట‌ర్

టాలీవుడ్ (Tollywood) యాక్ట‌ర్ నాని (Nani) ఏపీ ప్ర‌భుత్వంపై తీవ్ర స్థాయిలో మండిప‌డ్డ సంగతి తెలిసిందే. నాని కామెంట్స్ ఇండ‌స్ట్రీలో హాట్ టాపిక్‌గా మారాయి.

సినిమా టిక్కెట్ల ధ‌ర‌లు త‌గ్గించి ప్రేక్ష‌కుల‌ను అవ‌మాన ప‌ర‌చొద్ద‌ని టాలీవుడ్ (Tollywood) యాక్ట‌ర్ నాని (Nani) ఏపీ ప్ర‌భుత్వంపై తీవ్ర స్థాయిలో మండిప‌డ్డ సంగతి తెలిసిందే. నాని కామెంట్స్ ఇండ‌స్ట్రీలో హాట్ టాపిక్‌గా మారాయి. దీంతో నాని వ్యాఖ్య‌ల‌పై ఏపీ మంత్రి అనిల్ కుమార్ యాద‌వ్ (Anil kumar yadav) త‌న‌దైన స్టైల్ లో కౌంట‌ర్ వేశారు.

త‌న‌కు కొడాలి నాని త‌ప్ప ఏ నానీ తెలియ‌ద‌ని ఎద్దేవా చేశారు. సినీ ప‌రిశ్ర‌మ‌లో జ‌రుగుతున్న దోపిడీని అడ్డుకునేందుకు ఏపీ ప్ర‌భుత్వం చ‌ర్య‌లు తీసుకుంటుంద‌ని చెప్పారు. సినిమా ఖ‌ర్చులో 70 శాతం హీరోల రెమ్యున‌రేష‌న్ ఉంటుంద‌ని, దానిని త‌గ్గించుకోవ‌చ్చు క‌దా అని చుర‌క‌లంటించారు. ప్ర‌భుత్వ నిర్ణ‌యంపై ప్ర‌జ‌లు హ‌ర్షిస్తుంటే హీరోల‌కు క‌డుపుమంట ఎందుకని మంత్రి అనిల్‌ ప్ర‌శ్నించారు. ఓ సినిమా అభిమానిగా తాను కూడా కటౌట్లు క‌ట్టి న‌ష్ట‌పోయాన‌ని ఈ సంద‌ర్భంగా చ‌మ‌త్క‌రించారు.

Shakeela About Indrajit | ఎవ‌రినీ గుడ్డిగా నమ్మ‌డం ఇష్టం లేదు..దానికి ప‌శ్చాత్తాప ప‌డ్డా: ష‌కీలా

నాని వ్యాఖ్య‌ల నేప‌థ్యంలో అధికారులు ఏపీలోని ప‌లు ప్రాంతాల్లో థియేట‌ర్ల‌లో ఆక‌స్మిక త‌నిఖీలు నిర్వ‌హించి నిబంధ‌నల‌కు విరుద్దంగా నిర్వ‌హిస్తున్న ప‌లు థియేటర్ల‌ను సీజ్ చేశారు. అనంత‌పూర్‌లో నాని సినిమా ప్ర‌ద‌ర్శించ‌నున్న‌ థియేట‌ర్ల లైసెన్స్ ను ప‌రిశీలించి, థియేట‌ర్ల ప్రాంగ‌ణంలో డిస్‌ప్లేపై టికెట్ల ధ‌ర‌ల‌ను ప్ర‌ద‌ర్శించాల‌ని నోటీసులు అందజేశారు.

Chiranjeevi | ఆన్గెపుకాయలు పండించిన చిరంజీవి.. రైతుల గురించి ఏమ‌న్నాడంటే..