ఇది కలనో.. మాయ వలనో

బ్లాక్‌బస్టర్‌ ‘బిచ్చగాడు’ తర్వాత శశి దర్శకత్వంలో విజయ్‌ ఆంటోని నటిస్తున్న చిత్రం ‘వంద దేవుళ్లు’. స్వాసిక కథానాయిక. రామాంజనేయులు జవ్వాజి నిర్మాత. మే నెలలో సినిమా విడుదల కానున్నది.

బ్లాక్‌బస్టర్‌ ‘బిచ్చగాడు’ తర్వాత శశి దర్శకత్వంలో విజయ్‌ ఆంటోని నటిస్తున్న చిత్రం ‘వంద దేవుళ్లు’. స్వాసిక కథానాయిక. రామాంజనేయులు జవ్వాజి నిర్మాత. మే నెలలో సినిమా విడుదల కానున్నది. తాజాగా ఈ సినిమా నుంచి ‘ఇది కలనో.. మాయ వలనో’ అంటూ సాగే మెలోడీ గీతాన్ని బుధవారం విడుదల చేశారు. భాగ్యశ్రీ ఈ పాట రాయగా, బాలాజీ శ్రీరామ్‌ స్వరపరిచారు. శిభి శ్రీనివాసన్‌, శిరీష భాగవతుల ఆలపించారు. ఈ పాటలో విజయ్‌ ఆంటోని, స్వాసిక కనిపిస్తున్న తీరు, ప్రేమను వ్యక్తం చేస్తున్న విధానం ఆసక్తికరంగా ఉంది. అజయ్‌, కావ్య, కార్నాస్‌, బాలాజీ శక్తివేల్‌, దివాకర్‌, అరుళ్‌దాస్‌ తదితరులు ఇతర పాత్రలు పోషిస్తున్న ఈ చిత్రానికి కెమెరా: ఎస్‌బీ దర్శన్‌ కిర్లోష్‌, సంగీతం: బాలాజీ శ్రీరామ్‌, సమర్పణ: ఫాతిమా విజయ్‌ ఆంటోని, నిర్మాణం: విజయ్‌ ఆంటోని ఫిల్మ్‌ కార్పొరేషన్‌, సర్వంత్‌ రామ్‌ క్రియేషన్స్‌.