బుర్రిపాలెంలో మహేష్ బాబు వ్యాక్సినేషన్ డ్రైవ్‌

సినిమాల వరకు మాత్రమే కాకుండా బయట కూడా హీరో అనిపించుకుంటున్నాడు మహేష్ బాబు. తనకు తోచిన మంచి పనులు చేస్తూ కొందరి పాలిట రియల్ హీరో అవుతున్నాడు.

June 9, 2021 / 08:18 PM IST

బుర్రిపాలెంలో మహేష్ బాబు వ్యాక్సినేషన్ డ్రైవ్‌

సినిమాల వరకు మాత్రమే కాకుండా బయట కూడా హీరో అనిపించుకుంటున్నాడు మహేష్ బాబు. తనకు తోచిన మంచి పనులు చేస్తూ కొందరి పాలిట రియల్ హీరో అవుతున్నాడు. మరీ ముఖ్యంగా చిన్న పిల్లల ప్రాణాలు కాపాడటంలో మహేష్ బాబు నెంబర్ 1000 దాటిపోయింది. ఎంతోమంది పసి పిల్లలకు ప్రాణదానం చేశాడు సూపర్ స్టార్ మహేష్ బాబు. ఇదిలా ఉంటే తండ్రి కృష్ణ పుట్టినరోజు సందర్భంగా తన జన్మస్థలం, తాను దత్తత తీసుకున్న గ్రామం బుర్రిపాలెం మొత్తానికి ఉచితంగా వ్యాక్సినేషన్ డ్రైవ్‌ ను మే 31న‌ చేపట్టాడు మహేష్.10 రోజుల పాటు ఈ కార్యక్రమం నిరాటంకంగా జరిగింది.

ఈ క్రమంలోనే జూన్ 9న ఈ కార్యకమం విజయవంతంగా పూర్తయినట్టు తాజాగా మహేష్ సతీమణి నమ్రత ఘట్టమనేని సోషల్ మీడియాలో తెలియజేశారు. గత వారం రోజుల నుంచి ఈ వ్యాక్సినేషన్ డ్రైవ్‌లో పాల్గొన్న ఆంధ్ర హాస్పిటల్స్ వారికి ధన్యవాదాలు తెలుపుతున్నాని నమ్రత తాజా పోస్ట్ లో తెలిపారు.

ఇప్పటికే ఎందరో వేలాది చిన్నారి గుండెలను కాపాడిన మహేష్, ఇప్పుడు సొంత ఊరిలో అందరికీ వ్యాక్సినేషన్ పూర్తి చేయడం గొప్ప విషయం అని పలువురు ప్రశంసిస్తున్నారు. దానికి తోడు ఆ ఊరు దత్తత తీసుకొని కావలసినవన్నీ దగ్గరుండి చూసుకుంటున్నాడు మహేష్ బాబు.