Lokesh Kanakaraj l సూర్యతో ‘రోలెక్స్‌’

‘ఖైదీ’ ‘విక్రమ్‌' చిత్రాలతో టాలెం‘ఖైదీ’ చిత్రంతో టాలెంటెడ్‌ డైరెక్టర్‌గా గుర్తింపును సంపాదించుకున్నాడు లోకే ష్‌ కనకరాజ్‌.

‘ఖైదీ’ ‘విక్రమ్‌’ చిత్రాలతో టాలెం‘ఖైదీ’ చిత్రంతో టాలెంటెడ్‌ డైరెక్టర్‌గా గుర్తింపును సంపాదించుకున్నాడు లోకే ష్‌ కనకరాజ్‌. ముఖ్యంగా ‘విక్రమ్‌’ కమల్‌హాసన్‌ కెరీర్‌లోనే అత్యధిక వసూళ్లు సాధించిన చిత్రంగా రికార్డు సృష్టించింది. ప్రస్తుతం దళపతి విజయ్‌ కథానాయకుడిగా లోకేష్‌ కనకరాజ్‌ ఓ చిత్రాన్ని రూపొందిస్తున్న విషయం తెలిసిందే. ఇటీవలే కమల్‌హాసన్‌తో కలిసి ఓ తమిళ వెబ్‌సైట్‌కు ఇచ్చిన ఇంటర్వ్యూలో తన భవిష్యత్తు ప్రణాళికల్ని వివరించారు లోకేష్‌ కనకరాజ్‌.

లోకేష్‌ కనకరాజ్‌ సినిమాటిక్‌ యూనివర్స్‌ పేరుతో రాబోయే పదేళ్లలో వరుస సినిమాలు తీస్తానని తెలిపారు. విజయ్‌తో సినిమా పూర్తయిన తర్వాత ‘ఖైదీ-2’ ఉంటుందని, ఈ సినిమా అనంతరం ‘విక్రమ్‌’కు సీక్వెల్‌ను పట్టాలెక్కిస్తానని వెల్లడించారు. ‘విక్రమ్‌’ సినిమా ైక్లెమాక్స్‌లో మాఫియా డాన్‌ రోలెక్స్‌ పాత్రలో మెరిసిన అగ్ర హీరో సూర్యతో ఓ సినిమా తీస్తానని..దానికి ‘రోలెక్స్‌’ అనే పేరు ఖరారు చేశానని తెలిపారు.

‘విక్రమ్‌’ సినిమాలో మాఫియా డాన్‌ రోలెక్స్‌గా అతిథి పాత్రలో ఆకట్టుకున్నారు సూర్య. ఇప్పుడు అదే పేరుతో లోకేష్‌ కనకరాజ్‌ సినిమాకు ప్లాన్‌ చేస్తుండటంతో సూర్య అభిమానులు సంతోషం వ్యక్తం చేస్తున్నారు.