Visit:
Kotha Malupu | టాలీవుడ్ చలనచిత్ర పరిశ్రమలో సరికొత్త కథాంశంతో రూపొందిన రొమాంటిక్ లవ్ సస్పెన్స్ ఎంటర్టైనర్ ‘కొత్త మలుపు’ చిత్రం విడుదలకు సిద్ధమైంది. ప్రముఖ టాలీవుడ్ నేపథ్య గాయని సునీత తనయుడు ఆకాష్ గోపరాజు హీరోగా, భైరవి అర్ధ్యా హీరోయిన్గా నూతన నటీనటులతో తెరకెక్కిన ఈ చిత్రానికి శివ వరప్రసాద్ కేశనకుర్తి దర్శకత్వం వహించారు. తధాస్తు క్రియేషన్స్ బ్యానర్పై ప్రముఖ నిర్మాత తాటి బాలకృష్ణ ఎంతో ప్రతిష్టాత్మకంగా నిర్మించిన ఈ సినిమాను, టాలీవుడ్ అగ్ర నిర్మాణ సంస్థ మైత్రి మూవీ డిస్ట్రిబ్యూటర్స్ ప్రపంచవ్యాప్తంగా విడుదల చేయడానికి ముందుకు రావడం విశేషం. ఎంతో ఆసక్తిని రేకెత్తిస్తున్న ఈ చిత్రం జూన్ 12వ తేదీన అత్యంత ఘనంగా ప్రేక్షకుల ముందుకు రానుంది. ఈ నేపథ్యంలో చిత్ర ప్రమోషన్స్ లో భాగంగా తాజాగా హైదరాబాద్లో ఏర్పాటు చేసిన ఒక ప్రత్యేక కార్యక్రమంలో టాలీవుడ్ దిగ్గజ దర్శకులు ఎ. కోదండరామి రెడ్డి గారు ముఖ్య అతిథిగా విచ్చేసి ‘కొత్త మలుపు’ చిత్ర అధికారిక ట్రైలర్ను లాంచ్ చేశారు. అనంతరం చిత్ర యూనిట్ సభ్యులకు తన హృదయపూర్వక శుభాకాంక్షలు తెలియజేశారు.
ఈ సందర్భంగా దర్శకేంద్రుడు ఎ. కోదండరామి రెడ్డి గారు మాట్లాడుతూ, చిత్ర ట్రైలర్ చాలా అద్భుతంగా, ప్రామిసింగ్గా ఉందని ప్రశంసించారు. సినిమా ఎంచుకున్న కాన్సెప్ట్ వినూత్నంగా ఉందని, హీరో ఆకాష్ గోపరాజు, హీరోయిన్ భైరవి ఇద్దరూ తెరపై ఎంతో చక్కగా నటించి ఆకట్టుకున్నారని కొనియాడారు. సాంకేతిక పరంగా కూడా విజువల్స్, సంగీతం బాగున్నాయని, ఈ చిత్రాన్ని ప్రేక్షకులు ఆదరించి పెద్ద విజయంగా నిలబెట్టాలని ఆయన కోరుకున్నారు.
సంపూర్ణ గ్రామీణ నేపథ్యంలో, ముఖ్యంగా కోనసీమ అందాల నడుమ తెరకెక్కిన ఈ రొమాంటిక్ ప్రేమకథలో ప్రేమ, సస్పెన్స్, ఫ్యామిలీ ఎమోషన్స్, మరియు వినోదం వంటి అన్ని కమర్షియల్ అంశాలు సమపాళ్లలో ఉంటాయని చిత్ర బృందం స్పష్టం చేసింది. ఈ చిత్రంలో ఆకాష్, భైరవి బావ–మరదళ్ల పాత్రల్లో కనిపించి ప్రేక్షకులను అలరించనున్నారు. రఘుబాబు, పృథ్వీరాజ్, ప్రభావతి, కమెడియన్ మహేందర్, డి.డి. శ్రీనివాస్, మరియు కిట్టయ్య వంటి సీనియర్, పేరుపొందిన నటీనటులు ఈ చిత్రంలో కీలక పాత్రలు పోషించారు. ఈ చిత్రానికి యశ్వంత్ నాగ్ అద్భుతమైన సంగీతాన్ని సమకూర్చగా, జవహర్ రెడ్డి మరియు సుమంత్ కాచర్ల తమ కెమెరా పనితనంతో కోనసీమ అందాలను తెరపై అద్భుతంగా ఆవిష్కరించారు. చంద్రకిరణ్ నృత్య దర్శకత్వం వహించగా, కడలి రాంబాబు, అశోక్ దయ్యాల పిఆర్ఓలుగా వ్యవహరిస్తున్నారు.
దర్శకుడు శివ వరప్రసాద్ కేశనకుర్తి మాట్లాడుతూ, తమ చిత్ర ట్రైలర్ను విడుదల చేసి, ఆశీర్వదించిన దర్శక దిగ్గజం కోదండరామి రెడ్డి గారికి ప్రత్యేక కృతజ్ఞతలు తెలిపారు. రొమాంటిక్ లవ్ సస్పెన్స్ జానర్లో తెరకెక్కిన ఈ చిత్రంలో ఆకాష్–భైరవి జోడీ స్క్రీన్ ప్రెజెన్స్ ప్రధాన ఆకర్షణగా నిలుస్తుందని, ఆహ్లాదకరమైన కామెడీతో పాటు ఉత్కంఠ రేకెత్తించే కథాంశంతో సినిమా సాగుతుందని చెప్పారు. నిర్మాత తాటి బాలకృష్ణ మాట్లాడుతూ, ఇది తనకు, దర్శకుడికి, అలాగే హీరోయిన్కు మొదటి సినిమా అని, హీరో ఆకాష్కు రెండవ సినిమా అని పేర్కొన్నారు. కమెడియన్ మహేంద్ర చేసిన కామెడీ సినిమాకు పెద్ద హైలైట్ గా నిలుస్తుందని, మైత్రి మూవీస్ వంటి పెద్ద సంస్థ తమ సినిమాను డిస్ట్రిబ్యూట్ చేయడం తమకు దక్కిన గౌరవమని ఆనందం వ్యక్తం చేశారు. హీరో ఆకాష్ గోపరాజు తన తల్లి సునీత గారికి, చిత్ర యూనిట్కు మరియు మైత్రి మూవీస్ సంస్థకు ధన్యవాదాలు తెలియజేస్తూ, కథను నమ్మి చేసిన ఈ ప్రయత్నం అందరికీ నచ్చుతుందని ఆశాభావం వ్యక్తం చేశారు. హీరోయిన్ భైరవి అర్ధ్యా మాట్లాడుతూ బావ-మరదళ్ల మధ్య సాగే ప్రేమ, హాస్యం, సస్పెన్స్ ఎలిమెంట్స్ కుటుంబ ప్రేక్షకులకు సరికొత్త అనుభూతిని ఇస్తాయని నమ్మకం వ్యక్తం చేశారు. మొత్తానికి జూన్ 12న విడుదల కానున్న ‘కొత్త మలుపు’ చిత్రం అన్ని వర్గాల ప్రేక్షకులను మెప్పించే పూర్తి వినోదాత్మక చిత్రంగా నిలవనుంది.
