Chaaver Trailer | మలయాళీ స్టార్ నటుడు కుంచకో బోబన్ (Kunchako Boban) గురించి పెద్దగా పరిచయం అక్కర్లేదు. ఈ ఏడాది పద్మిని (Padmini), 2018 చిత్రాలతో బ్యాక్ టూ బ్యాక్ హిట్లు అందుకున్నాడు. 2018 సినిమా అయితే విమర్శకుల ప్రశంసలు కూడా అందుకుంది. 2018లో కేరళలో సంభవించిన వరదల నేపథ్యంలో తెరకెక్కిన ఈ సినిమా మే5 న చిన్న సినిమాగా విడుదలై 2018 మలయాళంలో వసూళ్ల వర్షం కురిపించింది. కేవలం 17 రోజుల్లోనే రూ.138 కోట్లు రాబట్టి అత్యధిక కలెక్షన్లు సాధించిన మలయాళ సినిమాగా రికార్డుల కెక్కింది. ఇక ఈ సినిమాలో కుంచకో బోబన్తో పాటు టొవినో థామస్ హీరోగా నటించాడు.
ఇదిలా ఉంటే.. తాజాగా కుంచకో బోబన్ నటిస్తున్న సినిమా చావేర్ (Chaaver). జల్లికట్టు (Jallikattu) సినిమాతో భారీ హిట్ అందుకున్న టిను పప్పచన్ (Tinu Pappachan) ఈ సినిమాకు దర్శకత్వం వహిస్తున్నాడు. ఇప్పటికే ఈ సినిమా నుంచి ఫస్ట్ లుక్, టీజర్ విడుదల కాగా ప్రేక్షకుల నుంచి మంచి రెస్పాన్స్ వచ్చింది. తాజాగా ఈ మూవీ నుంచి మేకర్స్ ట్రైలర్ వదిలారు.
ట్రైలర్ చూస్తే.. పొలిటికల్ బ్యాక్డ్రాప్లో తెరకెక్కుతున్నట్లు తెలుస్తుంది. కన్నూర్లో జరిగిన రాజకీయ హత్యలు, పార్టీని నమ్మకుని తమ ప్రాణాలను సైతం పణంగా పెట్టే వారి జీవితాల గురించి చెప్పే పొలిటికల్ థ్రిల్లర్గా ఈ సినిమా రూపొందినట్లు ట్రైలర్ని చూస్తే అర్థమవుతుంది. ఇక రాజకీయ నేపథ్యంలో తెరకెక్కిన ఈ ట్రైలర్కు ప్రేక్షకుల నుంచి మంచి స్పందన వస్తోంది. ట్రైలర్లో కుంచకో బోబన్ రగ్గడ్ మాస్ లుక్లో కనిపిస్తున్నాడు. ఇక ఈ ట్రైలర్ను టాలీవుడ్ స్టార్ హీరో విజయ్ దేవరకొండ (Vijay Devarakonda) పోస్టు చేస్తూ చిత్రబృందానికి ఆల్ ది బెస్ట్ చెప్పాడు.
Tinuu & #Chaaver 🔥
To Kunchacko & the entire team, Big hugs and all luck 🤗❤️https://t.co/Rd1Kd8yk4U
— Vijay Deverakonda (@TheDeverakonda) September 23, 2023
అరుణ్ నారాయణ్ ప్రొడక్షన్స్, కావ్య ఫిల్మ్ కంపెనీ బ్యానర్పై వేణు కున్నప్పిల్లి, అరుణ్ నారాయణ్ సంయుక్తంగా నిర్మిస్తుండగా.. కుంచాకో బోబన్తో పాటు అర్జున్ అశోకన్, ఆంటోని పెపే, మనోజ్ కె యు, సజిన్ గోపు, అనురూప్ తదితరులు ఈ సినిమాలో ప్రధాన పాత్రలు పోషిస్తున్నారు. జస్టిన్ వర్గీస్ ఈ చిత్రానికి సంగీతం అందిస్తుండగా.. జింటో జార్జ్ సినిమాటోగ్రఫీ నిర్వహిస్తున్నాడు.
ఇదిలా ఉంటే.. రీసెంట్గా ప్రకటించిన సౌత్ ఇండియా ఇంటర్నేషనల్ మూవీ అవార్డ్స్ 2023 (SIIMA)లో నా తాన్ కేసు కోడు సినిమాకు ఉత్తమ నటుడిగా (క్రిటిక్స్) కుంచకో బోబన్ అవార్డ్ అందుకున్నాడు.