Keerthy Suresh | క‌మెడియ‌న్ తో కీర్తిసురేశ్ సినిమా..రిస్క్ చేస్తుందా..?

ప్ర‌ముఖ త‌మిళ సినీ న‌టుడు, క‌మెడియ‌న్ వ‌డివేలు (Vadivelu) చాలా కాలం త‌ర్వాత నాయ్ శేఖ‌ర్ రిట‌ర్న్స్ (Naai Sekhar Returns) సినిమాతో అభిమానుల‌కు వినోదాన్ని పంచేందుకు సిద్ద‌మ‌వుతున్నాడు.

September 21, 2021 / 06:55 PM IST

Keerthy Suresh | క‌మెడియ‌న్ తో కీర్తిసురేశ్ సినిమా..రిస్క్ చేస్తుందా..?

2017లో వ‌చ్చిన మెర్స‌ల్ సినిమా త‌ర్వాత సిల్వ‌ర్ స్క్రీన్ కు దూర‌మ‌య్యాడు ప్ర‌ముఖ త‌మిళ సినీ న‌టుడు, క‌మెడియ‌న్ వ‌డివేలు (Vadivelu). చాలా కాలం త‌ర్వాత నాయ్ శేఖ‌ర్ రిట‌ర్న్స్ (Naai Sekhar Returns) సినిమాతో అభిమానుల‌కు వినోదాన్ని పంచేందుకు సిద్ద‌మ‌వుతున్నాడు. సూర‌జ్ (Suraj) ద‌ర్శ‌క‌త్వం వ‌స్తున్నాడు. థ‌లై న‌గ‌రం చిత్రంలో వ‌డివేలు పోషించిన ఐకానిక్ క్యారెక్ట‌ర్ నాయ్ శేఖ‌ర్ ఆధారంగా తెర‌కెక్క‌నుందీ సినిమా.

ఈ చిత్రానికి సంబంధించిన ఆస‌క్తిక‌ర వార్త చెన్నై స‌ర్కిల్ లో రౌండ‌ప్ చేస్తోంది. స్టార్ హీరోయిన్ కీర్తిసురేశ్ ఈ చిత్రంలో న‌టించ‌నుంద‌ట‌. అయితే వ‌డివేలు కు జోడీగా కాకుండా..కీల‌క పాత్ర‌లో క‌నిపించ‌నుంద‌ని టాక్‌. తాజా స‌మాచారం ప్ర‌కారం చ‌ర్చ‌లు ఇంకా కొన‌సాగుతున్నాయ‌ని..దీనిపై త్వ‌ర‌లోనే అధికారిక ప్ర‌క‌ట‌న రాబోతున్న‌ట్టు తెలుస్తోంది. సాధార‌ణంగా హీరోయిన్లు కెరీర్ తొలినాళ్ల‌లో క‌మెడియ‌న్ల‌తో క‌లిసి న‌టించే రిస్క్ తీసుకోరు.

మ‌రి మ‌హాన‌టి చిత్రంతో స్టార్ హోదా ద‌క్కించుకున్న కీర్తిసురేశ్ ఆ రిస్క్ తీసుకుంటుందా..? లేదా..? అనేది చూడాలి. కీర్తిసురేశ్ ప్ర‌స్తుతం మ‌హేశ్ బాబు హీరోగా న‌టిస్తున్న స‌ర్కారు వారి పాట‌లో ఫీమేల్ లీడ్ రోల్ లో క‌నిపించ‌నుంది. మ‌రోవైపు త‌మిళ సూప‌ర్ స్టార్ ర‌జినీకాంత్ న‌టిస్తోన్న అన్నాత్తెలో కూడా న‌టిస్తోంది.