ఆ ట్రెండ్‌ కొనసాగిస్తున్నది

నాయిక ప్రధాన చిత్రాల్లో మెప్పించడం అందరి నాయికలకూ సాధ్యం కాదు. అందుకు ఒక స్టార్‌ హీరోకున్న ఇమేజ్‌ కావాలి. ‘మహానటి’ సినిమాతో దక్షిణాది అంతటా ఘన విజయాన్ని సాధించి, అలాంటి ప్రతిభ తనకుందని నిరూపించింది కీర్తి సురేష్‌.

నాయిక ప్రధాన చిత్రాల్లో మెప్పించడం అందరి నాయికలకూ సాధ్యం కాదు. అందుకు ఒక స్టార్‌ హీరోకున్న ఇమేజ్‌ కావాలి. ‘మహానటి’ సినిమాతో దక్షిణాది అంతటా ఘన విజయాన్ని సాధించి, అలాంటి ప్రతిభ తనకుందని నిరూపించింది కీర్తి సురేష్‌. ఆ తర్వాత ‘మిస్‌ ఇండియా’, ‘గుడ్‌ లక్‌ సఖి’, ‘పెంగ్విన్‌’ వంటి చిత్రాలతో ఈ ట్రెండ్‌ను కొనసాగించింది. కీర్తి సురేష్‌ తాజాగా మరో ఫీమేల్‌ ఓరియెంటెడ్‌ మూవీలో నటిస్తున్నట్లు సమాచారం. ఈ చిత్రాన్ని ప్రముఖ నిర్మాత దిల్‌ రాజు నిర్మిస్తారట.

నటుడు సుహాస్‌ ఓ కీలక పాత్రను పోషించనున్నారని తెలుస్తున్నది. ఈ చిత్రాన్ని కొత్త దర్శకుడు తెరకెక్కించే అవకాశాలున్నాయి. ఈ సినిమా సరికొత్త కథ, కథనాలతో ఆకట్టుకుంటుందని చెబుతున్నారు. నాయికా ప్రధాన చిత్రాల్లో మిశ్రమ ఫలితాలు ఎదురైనా కీర్తి సురేష్‌కున్న క్రేజ్‌తో ఈ తరహా చిత్రాలు నిర్మించేందుకు మేకర్స్‌ ముందుకొస్తున్నారు. ప్రస్తుతం చిరంజీవి సోదరిగా ‘భోళా శంకర్‌’ చిత్రంలో నటిస్తున్న కీర్తి….కోలీవుడ్‌లో ‘సిరెన్‌’, ‘రఘుథాత’, ‘రివాల్వర్‌ రీటా’ చిత్రాల్లో నటిస్తున్నది.