సెప్టెంబర్‌లో రానున్న సర్దార్‌-2

నీళ్ల మాఫియా గురించి చర్చిస్తూ సందేశాత్మక కథాంశంతో గూఢచారి థ్రిల్లర్‌గా రూపొందిన ‘సర్దార్‌' చిత్రం ప్రేక్షకుల ప్రశంసలు అందుకోవడంతో పాటు బాక్సాఫీస్‌ వద్ద కూడా భారీ విజయాన్ని సాధించింది.

నీళ్ల మాఫియా గురించి చర్చిస్తూ సందేశాత్మక కథాంశంతో గూఢచారి థ్రిల్లర్‌గా రూపొందిన ‘సర్దార్‌’ చిత్రం ప్రేక్షకుల ప్రశంసలు అందుకోవడంతో పాటు బాక్సాఫీస్‌ వద్ద కూడా భారీ విజయాన్ని సాధించింది. ఈ సినిమాకు సీక్వెల్‌గా తెరకెక్కిన ‘సర్దార్‌-2’ సెప్టెంబర్‌ 10న ప్రేక్షకుల ముందుకురానుంది. కార్తి కథానాయకుడిగా పీఎస్‌ మిత్రన్‌ దర్శకత్వంలో ఈ చిత్రాన్ని రూపొందించారు. బుధవారం రిలీజ్‌ డేట్‌ను ప్రకటిస్తూ చిత్రబృందం కొత్త పోస్టర్‌ను పంచుకుంది.

ఈ సీక్వెల్‌లో అంతర్జాతీయ డ్రగ్స్‌ స్మగ్లింగ్‌ గురించి చర్చించబోతున్నట్లు తెలిసింది. గూఢచారి వ్యవస్థ చుట్టూ అల్లుకున్న ఈ కథలో దేశభక్తి, సామాజిక సందేశం ఉంటుందని మేకర్స్‌ చెబుతున్నారు. మాళవిక మోహనన్‌, ఎస్‌జే సూర్య, ఆషికా రంగనాథ్‌, యోగిబాబు, రజిషా విజయన్‌ తదితరులు నటిస్తున్న ఈ చిత్రానికి సంగీతం: సామ్‌ సీఎస్‌, నిర్మాతలు: ఎస్‌.లక్ష్మణ్‌ కుమార్‌, ఇషాన్‌ సక్సేనా, దర్శకత్వం: పీఎస్‌ మిత్రన్‌.