ఓ ఏడాదంతా త్రివిక్రమ్‌కే?

ఎన్టీఆర్‌, త్రివిక్రమ్‌ కాంబినేషన్‌లో వచ్చిన ‘అరవింద సమేత వీరరాఘవ’ చిత్రం ఎంతటి విజయాన్ని అందుకుందో తెలిసిందే. వీరిద్దరి కాంబినేషన్‌లో మళ్లీ సినిమా అనగానే.. తారక్‌ అభిమానుల్లో ఆనందం కట్టలు తెంచుకుంది.

ఎన్టీఆర్‌, త్రివిక్రమ్‌ కాంబినేషన్‌లో వచ్చిన ‘అరవింద సమేత వీరరాఘవ’ చిత్రం ఎంతటి విజయాన్ని అందుకుందో తెలిసిందే. వీరిద్దరి కాంబినేషన్‌లో మళ్లీ సినిమా అనగానే.. తారక్‌ అభిమానుల్లో ఆనందం కట్టలు తెంచుకుంది. పైగా పానిండియా స్థాయిలో మైథలాజికల్‌ మూవీ అనగానే ఆ సంతోషం రెట్టింపయ్యింది.

ప్రస్తుతమైతే ప్రశాంత్‌నీల్‌ ‘డ్రాగన్‌’ సినిమాతో బిజీగా ఉన్నారు తారక్‌. వెంకటేశ్‌ సినిమాతో బిజీగా ఉన్నారు త్రివిక్రమ్‌. వీరిద్దరు చేయబోయే పానిండియా సినిమా మొదలు కావాలంటే ముందు ఈ రెండు సినిమాలు పూర్తవ్వాలి. తాజాగా అందుతున్న సమాచారం ప్రకారం వచ్చే ఏడాది మిడిల్‌లో ఈ సినిమాను పట్టాలెక్కిస్తారట. ఇది పౌరాణిక చిత్రం కావడంతో ఓ ఏడాది పాటు బల్క్‌ డేట్స్‌ త్రివిక్రమ్‌కే కేటాయించారట తారక్‌. ఆ సినిమా పూర్తయేంతవరకూ మరో సినిమా చేయకూడదని కూడా ఆయన డిసైడ్‌ అయ్యారట.

కార్తికేయ పురాణంలోని కీలక ఘట్టం ఆధారంగా ఈ సినిమా రూపొందనున్నట్టు తెలుస్తున్నది. దీనికి సంబంధించిన పుస్తకాన్ని కూడా చదవమని తారక్‌కి ఇచ్చారట త్రివిక్రమ్‌. ఈ మధ్య చాలా చోట్ల ఆ పుస్తకంతోనే దర్శనమిచ్చారు తారక్‌. ఆ పాత్రను ఓన్‌ చేసుకునేందుకు అంతగా ప్రయత్నిస్తున్నారాయన. 2027 చివర్లో కానీ, 2028 సంక్రాంతికి గానీ సినిమాను విడుదల చేయాలని నిర్మాత సూర్యదేవర నాగవంశీ భావిస్తున్నారట.