జయసుధ చైర్మన్‌గా గద్దర్‌ ఫిల్మ్‌ అవార్డ్స్‌ జ్యూరీ

సీనియర్‌ నటి జయసుధ చైర్మన్‌గా 15 మందితో కూడిన గద్దర్‌ తెలంగాణ ఫిల్మ్‌ అవార్డ్స్‌ జ్యూరీని బుధవారం ప్రకటించారు. ఇటీవల ఎఫ్‌డీసీ కార్యాలయంలో జయసుధ అధ్యక్షతన గద్దర్‌ అవార్డ్స్‌ జ్యూరీ సమావేశం జరిగింది. ప్రభుత్వం తనకు అప్పగించిన ఈ బాధ్యతను ఓ సవాలుగా తీసుకొని ఎంపిక ప్రక్రియను పూర్తి చేస్తానని జయసుధ విశ్వాసం వ్యక్తం చేశారు.

సీనియర్‌ నటి జయసుధ చైర్మన్‌గా 15 మందితో కూడిన గద్దర్‌ తెలంగాణ ఫిల్మ్‌ అవార్డ్స్‌ జ్యూరీని బుధవారం ప్రకటించారు. ఇటీవల ఎఫ్‌డీసీ కార్యాలయంలో జయసుధ అధ్యక్షతన గద్దర్‌ అవార్డ్స్‌ జ్యూరీ సమావేశం జరిగింది. ప్రభుత్వం తనకు అప్పగించిన ఈ బాధ్యతను ఓ సవాలుగా తీసుకొని ఎంపిక ప్రక్రియను పూర్తి చేస్తానని జయసుధ విశ్వాసం వ్యక్తం చేశారు. తెలుగు చలన చిత్ర రంగానికి జాతీయ స్థాయిలో గుర్తింపు తీసుకొచ్చే విధంగా ఈ కమిటీ పనిచేయాలని ఎఫ్‌డీసీ చైర్మన్‌ దిల్‌రాజు కోరారు. గద్దర్‌ అవార్డ్స్‌కు అన్ని కేటగిరీలలో కలిపి 1248 నామినేషన్లు అందాయని, ఈ నెల 21 నుంచి నామినేషన్ల స్క్రీనింగ్‌ ప్రక్రియ మొదలుపెడతామని ఎఫ్‌డీసీ మేనేజింగ్‌ డైరెక్టర్‌ ఎస్‌. హరీష్‌ తెలిపారు. ఈ పురస్కారాలకు వ్యక్తిగత కేటగిరీలో 1172, ఫీచర్‌ ఫిలిం, బాలల చిత్రాలు, డెబ్యూ చిత్రాలు, డాక్యుమెంటరీ, లఘు చిత్రాలు, ఫిల్మ్‌ క్రిటిక్స్‌ తదితర కేటగిరీలలో 76 దరఖాస్తులు అందాయని జ్యూరీ సభ్యులు తెలిపారు.