Japan Movie | తమిళం కంటే తెలుగులో ఎక్కువ క్రేజ్ సంపాదించుకున్నాడు హీరో కార్తీ. ఇతని మూవీలు విడుదల అవుతున్నాయంటే చాలు తమిళ ప్రేక్షకులు కంటే తెలుగు ప్రేక్షకులు ఎక్కువ ఆసక్తితో ఎదురుచూస్తారు. అంతలా తెలుగు ప్రేక్షకులతో కలిసిపోయాడు కార్తీ. ఇక కార్తీ (Karthi) హీరోగా నటించిన తాజా చిత్రం ‘జపాన్’ (Japan). అనూ ఇమ్మాన్యుయేల్ కథనాయికగా నటించింది. రాజమురుగన్ దర్శకత్వం వహించాడు. ఈ సినిమా దీపావళి కానుకగా ప్రేక్షకుల ముందుకు రాగా బాక్సాఫీస్ వద్ద డిజాస్టర్గా నిలిచింది. దీంతో తాజాగా ఈ సినిమా ఓటీటీ లాక్ చేసుకుంది.
ప్రముఖ ఓటీటీ దిగ్గజం నెట్ఫ్లిక్స్ వేదికగా డిసెంబర్ 11 నుంచి ఈ సినిమా నుంచి స్ట్రీమింగ్ కానుంది. ఇక ఈ సినిమా తమిళ, తెలుగు, మలయాళం, కన్నడ భాషల్లో స్ట్రీమింగ్ కానున్నట్లు చిత్రబృందం తెలిపింది. ఈ మూవీని డ్రీమ్ వారియర్ పిక్చర్స్ బ్యానర్పై ఎస్ఆర్ ప్రకాశ్ బాబు, ఎస్ ప్రభు నిర్మించాడు. జీవీ ప్రకాశ్ కుమార్ సంగీతం అందించాడు.
Intha kadhai-la thimingalam sikkuma sikkadha nu paaka neenga ready ah? #Japan, coming to Netflix in Tamil, Telugu, Malayalam and Kannada on 11 Dec! pic.twitter.com/rLWRBVyL6N
— Netflix India South (@Netflix_INSouth) December 4, 2023
ఈ సినిమా కథలోకి వెళితే.. హైదరాబాద్లోని రాయల్ జ్యువెలరీ షాప్ లో రూ. 200 కోట్ల విలువలైన బంగారు ఆభరణాలు దోపిడీకి గురౌతాయి. ఈ కేసుని చేధించడానికి పోలీస్ అధికారులు శ్రీధర్ (సునీల్), భవాని (విజయ్ మిల్టన్) రంగంలోకి దిగుతారు. శ్రీధర్.. బంగారు రజను జెల్లడపట్టే కూలీ జీవితం గడుపుతున్న రాధ అనే అమాయకుడిని ఈ కేసులో అరెస్ట్ చేసి జైల్లో వేస్తాడు. భవాని… ఈ దొంగతనం వెనుక వున్నది జపాన్( కార్తి) అని నిర్ధారిస్తాడు. మరోవైపు జపాన్ ని పట్టుకోవడానికి కేరళ, కర్ణాటక పోలీసులు కూడా గాలిస్తుంటారు. అసలు ఈ జపాన్ ఎవరు? దొంగతనంలో అంత ఫేమస్ ఎలా అయ్యాడు ? రాధ, జపాన్ మధ్య ఏదైనా రిలేషన్ వుందా ? జపాన్ కథలో హీరోయిన్ సంజ (అనూ ఇమ్మాన్యుయేల్) పాత్ర ఏమిటి ? చివరికి దోపిడీ దొంగ దొరికాడా లేదా ? అనేది తక్కిన కథ.