Radhe shyam pre release event | ప్ర‌భాస్ కోసం హోస్ట్‌గా మారిన యంగ్ హీరో

December 22, 2021 / 07:21 PM IST

Naveen polishetty to host Prabhas Radhe shyam | Radhe shyam pre release event — Naveen polishetty to host Prabhas Radhe shyam

Naveen polishetty to host Prabhas Radhe shyam | బాహుబ‌లి సినిమాతో పాన్ ఇండియా స్టార్ అయ్యాడు ప్ర‌భాస్‌. ఇప్పుడు ఈయ‌న చేతి నిండా సినిమాలు ఉన్నాయి. వ‌రుస‌గా ఈ సినిమాల షూటింగ్‌ల్లో పాల్గొంటూ బిజీగా గ‌డిపేస్తున్నాడు. కొత్త సినిమాలు అయితే చేస్తున్నాడు కానీ.. థియేట‌ర్‌లో ఈయ‌న క‌నిపించి రెండేండ్ల‌కు పైగానే అవుతుంది. 2019లో విడుద‌లైన సాహో త‌ర్వాత ఇప్ప‌టివ‌ర‌కు ప్ర‌భాస్ నుంచి సినిమా రాలేదు. దీంతో ఈయ‌న నుంచి వ‌స్తున్న రాధేశ్యామ్ సినిమా కోసం అంద‌రూ ఆస‌క్తిగా ఎదురుచూస్తున్నారు. సంక్రాంతి కానుక‌గా వ‌చ్చే ఏడాది జ‌న‌వ‌రి 14న ఈ సినిమా విడుద‌ల కాబోతుంది. ఈ క్ర‌మంలోనే ప్ర‌మోష‌న్‌ను కూడా మొద‌లుపెట్టేసింది రాధే శ్యామ్ చిత్ర యూనిట్‌. వ‌రుస‌గా పాట‌ల‌ను విడుద‌ల చేస్తూ సినిమాపై అంచ‌నాల‌ను పెంచుతుంది. గురువారం ప్రీ రిలీజ్ ఈవెంట్‌ను కూడా నిర్వ‌హించ‌బోతున్నారు. రామోజీ ఫిలిం సిటీలో ఈ ఈవెంట్‌ను గ్రాండ్‌గా ప్లాన్ చేశారు. అయితే ఇక్క‌డే ఒక వార్త అభిమానుల్లో ఆస‌క్తిని రేకెత్తిస్తున్న‌ది. రాధేశ్యామ్ సినిమా ప్రీ రిలీజ్ ఈవెంట్‌కు యంగ్ హీరో న‌వీన్ పోలిశెట్టి హోస్ట్‌గా వ్య‌వ‌హ‌రించ‌బోతున్నాడ‌ని ఒక వార్త ఇప్పుడు సోష‌ల్ మీడియాలో వైర‌ల్‌గా మారింది.

జాతిర‌త్నాలు సినిమాతో ఈ ఏడాది సూప‌ర్ హిట్ అందుకున్నాడు న‌వీన్ పోలిశెట్టి. ఈ సినిమా విజ‌యం సాధించ‌డానికి ముఖ్య కార‌ణం ఆ చిత్ర యూనిట్ చేసిన ప్ర‌మోష‌నే కార‌ణమ‌ని చెప్పొచ్చు. ముఖ్యంగా న‌వీన్ పోలిశెట్టి త‌న హ్యూమ‌ర్‌తో ప్రేక్ష‌కుల్లో అటెన్ష‌న్ క్రియేట్ చేశాడు. అది కాకుండా సినిమా ట్రైల‌ర్‌ను ముంబై వెళ్లి మ‌రి ప్ర‌భాస్‌తో లాంఛ్ చేయించి సినిమాపై హైప్ పెంచారు. ఇవ‌న్నీ జాతిర‌త్నాలు సినిమా విజ‌యానికి కార‌ణ‌మ‌య్యాయి. దీంతో ఇప్పుడు ఈ యంగ్ హీరోను త‌న సినిమా ప్ర‌మోష‌న్ కోసం వాడుకోవాల‌ని ప్ర‌భాస్‌తో పాటు రాధేశ్యామ్ యూనిట్ భావించింది. ఇదే విష‌యాన్ని యంగ్ హీరో దృష్టికి తీసుకెళ్లింది. అయితే ప్ర‌భాస్‌తోనూ, యూవీ బ్యాన‌ర్‌తో త‌న‌కున్న అనుబంధంతో న‌వీన్ పోలిశెట్టి కూడా ఈ ఈవెంట్‌కు హోస్ట్‌గా చేసేందుకు ఒప్పుకున్నాడ‌ట‌. ఈ విష‌యం తెలిసి ఫ్యాన్స్ సంబ‌ర‌ప‌డిపోతున్నారు. న‌వీన్ కామెడీ టైమింగ్‌, పంచుల‌తో ఈ ఈవెంట్‌లో ఎంట‌ర్‌టైన్‌మెంట్ డ‌బుల్ కావ‌డం ఖాయ‌మ‌ని అనుకుంటున్నారు. మ‌రి ఇంత పెద్ద ఈవెంట్‌ను ఈ యంగ్ హీరో ఎంత హిలేరియ‌స్‌గా మారుస్తాడో చూడాలి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి