Radha Krishna About Radhe Shyam | ‘రాధేశ్యామ్’ వెనుక 12-15 ఏళ్ల కథ…సస్పెన్స్ పెట్టిన డైరెక్ట‌ర్

ప్ర‌భాస్ (Prabhas) న‌టిస్తోన్న పాన్ ఇండియా చిత్రాల్లో ఒక‌టి రాధేశ్యామ్ (Radheshyam). ఓ యూట్యూబ్ ఛాన‌ల్‌కు ఇచ్చిన ఇంట‌ర్వ్యూలో రాధేశ్యామ్‌కు సంబంధించిన ఆస‌క్తిక‌ర విష‌యాల‌ను షేర్ చేసుకున్నాడు రాధాకృష్ణ‌కుమార్.

December 13, 2021 / 07:30 PM IST

Radha Krishna About Radhe Shyam | ‘రాధేశ్యామ్’ వెనుక 12-15 ఏళ్ల కథ…సస్పెన్స్ పెట్టిన డైరెక్ట‌ర్

టాలీవుడ్ (Tollywood) స్టార్ హీరో ప్ర‌భాస్ (Prabhas) న‌టిస్తోన్న పాన్ ఇండియా చిత్రాల్లో ఒక‌టి రాధేశ్యామ్ (Radheshyam). రాధాకృష్ణ‌కుమార్ డైరెక్ట్ చేస్తున్న ఈ మూవీలో పూజాహెగ్డే (Pooja Hegde) ఫీ మేల్ లీడ్ రోల్ పోషిస్తోంది. రాధేశ్యామ్‌ 2022 జ‌నవ‌రి 14న సంక్రాంతి కానుక‌గా థియేట‌ర్ల‌లో సంద‌డి చేయ‌నుంది. ఈ నేప‌థ్యంలో ఓ యూట్యూబ్ ఛాన‌ల్‌కు ఇచ్చిన ఇంట‌ర్వ్యూలో రాధేశ్యామ్‌కు సంబంధించిన ఆస‌క్తిక‌ర విష‌యాల‌ను షేర్ చేసుకున్నాడు రాధాకృష్ణ‌కుమార్ .

ఇంత‌కీ ఆ క‌థేంటో..
ఈ సినిమా వెనుక 12-15 ఏళ్ల కథ ఉంది. ఆ ఇంట్రెస్టింగ్ విష‌య‌మేంటో మ‌రోసారి చ‌ర్చిద్దామ‌న్నాడు రాధాకృష్ణ‌. నేను ఈ క‌థ‌పై వ‌ర్క్ చేశాను. అదే టైంలో ప్రభాస్ కూడా ప్రేమకథను చేసేందుకు ఆసక్తి చూపాడు. ఫైన‌ల్‌గా అన్నీ కుదిరి ప్రాజెక్టు సెట్స్ పైకి వెళ్లింది. భావోద్వేగాల‌ను తీసుకోవ‌డంలో ప్ర‌భాస్ చాలా సున్నిత మ‌న‌స్కుడు. ప్ర‌భాస్ లాంటి సెన్సిటివిటీ ఉన్న వ్య‌క్తే ఇలాంటి ప్రేమ‌క‌థ‌కు కావాల‌ని అప్ప‌టిక‌పుడు అనిపించింది. ప్ర‌భాస్ ఇమేజ్ ఈ సినిమాకు భారీ స్థాయిలో ప‌నిచేస్తుంద‌నుకున్నాం. ప్ర‌భాస్‌ను ఇలాంటి చిత్రంలో చూడ‌టం అభిమానుల‌కు డ‌బుల్ బొనాంజా అని చెప్పుకొచ్చాడు రాధాకృష్ణ‌.

ప్ర‌శంస‌గా భావిస్తున్నా..

క‌థ గురించి చెబుతూ..ఇది జీవ‌న్మ‌ర‌ణాల మ‌ధ్య పార్టీ లాంటిది. లోతైన భావాలు, భావోద్వేగాల‌తో సాగే ల‌వ్ స్టోరీ. మ‌నం స‌మాజంలో జీవిస్తున్నందున ఈ ల‌వ్ స్టోరీకి జ్యోతిష్యాన్ని జోడిస్తే ఎలా ఉంటుంద‌ని ఈ సినిమా కోసం ఆలోచించాన‌న్నారు. రాధేశ్యామ్‌ చిత్రాన్ని మ‌ణిర‌త్నం డైరెక్ట్ చేసిన గీతాంజ‌లితో పోల్చ‌డంపై స్పందిస్తూ..అలాంటి క్లాసిక‌ల్ మూవీతో రాధేశ్యామ్‌ను పోల్చి చూడ‌టం ప్ర‌శంస‌గా భావిస్తున్న‌ట్టు చెప్పుకొచ్చాడు. మొత్తానికి అన్ని విష‌యాలు చెప్పిన‌ట్టే చెప్పి ఇంత‌కీ ఆ 12-15 ఏళ్ల కథ ఏంటో చెప్ప‌కుండా స‌స్పెన్స్ పెట్టేశాడు రాధాకృష్ణ‌. సినిమాపై క్యూరియాసిటీని పెంచేందుకే ఇలా చేశాడా..? లేదంటే దీనికి సంబంధించి సినిమాలో ఏమైనా హింట్ ఇస్తాడా..? అన్న‌ది చూడాలి.

Pooja Hegde: బ్లాక్ సారీలో పూజా హెగ్డే అందాలు అదరహో..

ఇప్ప‌టికే రాధేశ్యామ్ నుంచి విడుద‌లైన ఫ‌స్ట్ లుక్‌, టీజ‌ర్‌, పాట‌ల‌కు అద్బుత‌మైన స్పంద‌న వ‌స్తోంది. యూవీ క్రియేష‌న్స్ నిర్మిస్తోన్న ఈ మూవీకి జ‌స్టిన్ ప్ర‌భాక‌ర‌న్ మ్యూజిక్ డైరెక్ట‌ర్.