Itllu Arjuna | వెంకీ కుడుముల నిర్మాణంలో ‘ఇట్లు అర్జున’.. నాగార్జున వాయిస్ ఓవర్‌తో టైటిల్ టీజర్‌ విడుదల!

Venky Kudumula | యంగ్ టాలెంటెడ్ డైరెక్టర్ వెంకీ కుడుముల (Venky Kudumula) నిర్మాతగా మారి నిర్మిస్తున్న సినిమా టైటిల్‌ను ఆదివారం నాడు అధికారికంగా ప్రకటించారు.

Venky Kudumula | యంగ్ టాలెంటెడ్ డైరెక్టర్ వెంకీ కుడుముల (Venky Kudumula) నిర్మాతగా మారి నిర్మిస్తున్న సినిమా టైటిల్‌ను ఆదివారం నాడు అధికారికంగా ప్రకటించారు. ఈ చిత్రానికి ‘ఇట్లు అర్జున’ (Itllu Arjuna) అనే ఆసక్తికరమైన పేరును ఖరారు చేశారు. టైటిల్ అనౌన్స్‌మెంట్ సందర్భంగా విడుదల చేసిన టీజర్‌కు లెజెండరీ నటుడు నాగార్జున (Nagarjuna) వాయిస్ ఓవర్ అందించడం విశేషం. నాగార్జున వాయిస్ ఓవర్‌తో రూపొందించిన ఈ టైటిల్ టీజర్ ప్రేక్షకులలో సినిమాపై అంచనాలను పెంచింది. నాగార్జున తనదైన స్టైల్‌లో చెప్పిన డైలాగ్స్ సినిమా కథాంశం ఏదో కొత్తగా ఉండబోతోందని సూచించాయి. ‘ఇట్లు అర్జున’ అనే టైటిల్ పాత కాలపు ఉత్తరాల చివర పెట్టే సంతకంలా ఉండటంతో, కథలో ఉత్తరాలు, ప్రయాణం లేదా ఒక వ్యక్తి యొక్క జీవిత గమనం ఇతివృత్తంగా ఉండవచ్చని సినీ విశ్లేషకులు భావిస్తున్నారు.

ఈ చిత్రంతో యువ నటుడు అనీశ్‌ (Aniesh) హీరోగా సినీ రంగానికి పరిచయమవుతున్నారు. అనీష్ నటన, లుక్స్‌ ప్రేక్షకులను ఆకట్టుకుంటాయని టీమ్ ధీమా వ్యక్తం చేసింది. మలయాళ చిత్రాలలో మంచి గుర్తింపు తెచ్చుకున్న అనస్వర రాజన్‌ (Anaswara Rajan) ఇందులో హీరోయిన్‌గా నటిస్తోంది. ఈ సినిమాకు మహేశ్‌ ఉప్పాల దర్శకత్వం వహిస్తున్నారు. ఆయన పనితీరుపై వెంకీ కుడుముల పూర్తి నమ్మకం వ్యక్తం చేశారు. డైనమిక్ మ్యూజిక్ డైరెక్టర్ తమన్‌ (Thaman) ఈ చిత్రానికి సంగీతం అందిస్తున్నారు.