Indian-2 Movie | శంకర్ ‘భారతీయుడు 2’ గ్లింప్స్‌ డేట్ ఫిక్స్.. విడుద‌ల ఎప్పుడంటే?

Indian-2 Movie | తమిళ ఇండస్ట్రీ నుంచి వస్తున్న భారీ బడ్జెట్ చిత్రాల్లో ఇండియన్‌-2 (Indian-2 ) ఒకటి. శంకర్‌ డైరెక్షన్‌లో వ‌చ్చిన ఈ సినిమాలో కమల్‌ నటన అప్పట్లో ఓ సంచలనం. ఇరవై ఏడేళ్ల క్రితం వచ్చిన ఈ సినిమా బాక్సాఫీస్‌ దగ్గర సృష్టించిన రికార్డులు అంతా ఇంతా కాదు.

Indian-2 Movie | తమిళ ఇండస్ట్రీ నుంచి వస్తున్న భారీ బడ్జెట్ చిత్రాల్లో ఇండియన్‌-2 (Indian-2 ) ఒకటి. శంకర్‌ డైరెక్షన్‌లో వ‌చ్చిన ఈ సినిమాలో కమల్‌ నటన అప్పట్లో ఓ సంచలనం. ఇరవై ఏడేళ్ల క్రితం వచ్చిన ఈ సినిమా బాక్సాఫీస్‌ దగ్గర సృష్టించిన రికార్డులు అంతా ఇంతా కాదు. అప్పట్లోనే ఈ సినిమా రూ.50 కోట్ల గ్రాస్‌ను కలెక్ట్‌ చేసింది. కాగా ఇన్నేళ్ల తర్వాత ఈ సినిమాకు సీక్వెల్‌ తెరకెక్కుతుంది. అయితే అనుకోని కారణాలతో ఈ సినిమా వాయిదా పడుతూ వ‌స్తుంది. అటు శంకర్ కూడా రామ్ చరణ్ ‘గేమ్‌ ఛేంజర్‌’(Game Changer)తో బిజీ అయ్యారు. రెండు సినిమాలకి ఈక్వల్‌గా కొన్నాళ్ళు పని చేశారు. అయితే కొన్నాళ్ళుగా ఎలాంటి అప్‌డేట్ లేకుండా వున్న‌ ‘ఇండియన్‌ 2′ ప్రాజెక్ట్ ఇప్పుడు మరో అడుగుముందుకు వేసింది. తాజాగా ఈ మూవీ నుంచి మేక‌ర్స్ సాలిడ్ అప్‌డేట్ ఇచ్చారు.

మేక‌ర్స్ తాజాగా ఈ చిత్రానికి సంబంధించిన గ్లింప్స్ రిలీజ్ డేట్‌ను ప్ర‌క‌టించారు. న‌వంబ‌ర్ 03న ఈ సినిమా గ్లింప్స్‌ను విడుద‌ల చేయ‌నున్న‌ట్లు చిత్ర‌బృందం పోస్ట‌ర్‌ను విడుద‌ల చేసింది. ఈ పోస్ట‌ర్‌లో కమల్ హాసన్ ఉండ‌గా.. బ్యాక్‌గ్రౌండ్‌లో జనాలు క‌నిపిస్తున్నారు.

Celebration begins early 🥳 Get ready for “INDIAN-2 AN INTRO” a glimpse of #Indian2 🇮🇳 releasing on NOV 3 🗓️#HBDUlaganayagan

🌟 Ulaganayagan @ikamalhaasan 🎬 @shankarshanmugh 🎶 @anirudhofficial 📽️ @dop_ravivarman 🪙 @LycaProductions #Subaskaran @RedGiantMovies_ 🤝🏻… pic.twitter.com/awLd8I0zra

— Lyca Productions (@LycaProductions) October 29, 2023

కాజల్‌ హీరోయిన్‌గా నటిస్తున్న ఈ సినిమాలో సిద్ధార్థ్‌ కీలకపాత్రలో నటిస్తున్నాడు. జైల‌ర్ ఫేమ్ అనిరుధ్ స్వరాలు సమకూర్చుతున్నాడు. ఈ సినిమాను రెడ్ జెయింట్‌, లైకా ప్రొడక్షన్ సంస్థలు సంయుక్తంగా నిర్మిస్తున్నాయి. ఆ మధ్య ఇండిపెండెన్స్‌ డేకు రిలీజైన కమల్‌ లుక్‌కు విశేష స్పందన వచ్చింది. మ‌రోవైపు విక్రమ్ తో పాన్ ఇండియా విజయాన్ని అందుకుకొని మంచి ఫామ్ లో కమల్ హాసన్…ఇప్పుడు సూపర్ హిట్ ‘భారతీయుడు’ సీక్వెల్ తో రావడంతో ప్రేక్షకుల్లో మంచి అంచనాలు నెలకొన్నాయి.