Rains | దుబాయిలో మళ్లీ భారీ వర్షాలు.. విమాన సర్వీసులు రద్దు

Rains | దుబాయిలో మళ్లీ భారీ వర్షాలు కురిశాయి. గత నెలలో కురిసిన కుండపోత వానను మరువకముందే.. మరోసారి దుబాయిని వర్షాలు ముంచెత్తడంతో జనజీవనం స్తంభించిపోయింది. అంతేకాదు రవాణా సౌకర్యానికి తీవ్ర ఆటంకం కలిగింది.

Rains | దుబాయిలో మళ్లీ భారీ వర్షాలు కురిశాయి. గత నెలలో కురిసిన కుండపోత వానను మరువకముందే.. మరోసారి దుబాయిని వర్షాలు ముంచెత్తడంతో జనజీవనం స్తంభించిపోయింది. అంతేకాదు రవాణా సౌకర్యానికి తీవ్ర ఆటంకం కలిగింది. దుబాయి నుంచి ఇతర దేశాలకు వెళ్లే విమాన సర్వీసులను రద్దు చేశారు. పలు విమానాలను దారి మళ్లించారు. దీంతో ప్రయాణికులు తీవ్ర ఇబ్బందులు ఎదుర్కొంటున్నారు.

గురువారం తెల్లవారుజామున 3 గంటల నుంచి భారీ వర్షాలు కురిసినట్లు స్థానిక మీడియా వెల్లడించింది. ఈదురు గాలులు కూడా బలంగా వీచినట్లు పేర్కొంది. ఇక మే 3వ తేదీ వరకు భారీ వర్షాలు కురిసే అవకాశం ఉందని, ప్రజలు అప్రమత్తంగా ఉండాలని దుబాయి వాతావరణ శాఖ ఒక ప్రకటన విడుదల చేసింది. అత్యవసర పరిస్థితుల్లో బయటకు వచ్చే ప్రజలు అప్రమత్తంగా ఉండాలని సూచించింది. అబుదాబిలోని పలు ప్రాంతాల్లో వర్షపు నీరు నిలిచిపోయింది. బలమైన ఈదురుగాలులకు విద్యుత్ స్తంభాలు, చెట్లు నేలకొరిగాయి.

గత నెలలో కురిసిన వర్షాలు దుబాయిని ముంచెత్తిన సంగతి తెలిసిందే. ఏప్రిల్ 14, 15 తేదీల్లో భారీ వర్షాలు కురిశాయి. 1949 నుంచి ఇప్పటి వరకు అంతటి భారీ వర్షం కురవలేదని దుబాయి అధికారులు వెల్లడించారు. భారీ వర్షాలకు పలువురు మృతి చెందిన సంగతి తెలిసిందే.