Acharya | మెగాస్టార్ చిరంజీవితో పాటు మిగిలిన ఆచార్య యూనిట్ అంతా కూడా ఇప్పుడు సినిమా రిలీజ్ ప్రమోషన్స్తో బిజీగా ఉన్నారు. ఏప్రిల్ 29న ఈ సినిమా విడుదల కానుంది. ఈ నేపథ్యంలో సినిమాకు సంబంధించిన ప్రీ రిలీజ్ ప్రెస్ కాన్ఫరెన్స్ ఏర్పాటు చేశారు. అందులో సినిమాకు సంబంధించిన విషయాలతో పాటు.. మరిన్ని ఆసక్తికరమైన విషయాలపై కూడా చిరంజీవి స్పందించాడు. మరీ ముఖ్యంగా సినిమాలో రామ్ చరణ్తో పాటు కలిసి నటించడం ఎలా ఉంది అనే ప్రశ్నకు సమాధానం ఇస్తూ.. రేపు సినిమా చూసిన తర్వాత తనకంటే బాగా చేశాడు అని ప్రేక్షకులు మెచ్చుకుంటారని.. సినిమా సినిమాకు మెరుగవుతున్న చరణ్ యాక్టింగ్ చూసి తనకు గర్వంగా ఉంది అని చెప్పాడు.
అంతే కాదు ఆచార్య సినిమాలో పవన్ కళ్యాణ్ ఉండుంటే ఎలా ఉండేదనే ప్రశ్నకు సమాధానం ఇచ్చాడు మెగాస్టార్. ఆచార్య సినిమాలో చరణ్, చిరంజీవి కలిసి నటించడం అభిమానులకు పండగ. అయితే ఇదే సినిమాలో పవన్ కళ్యాణ్ ఉండుంటే స్క్రీన్ ప్రజెన్స్ మరింత అందంగా ఉండేదని.. మీకు కూడా అలా అనిపించిందా అని ఒక విలేఖరి అడిగిన ప్రశ్నకు అంతే అందంగా సమాధానం చెప్పాడు చిరంజీవి. సినిమాలో రామ్ చరణ్ సిద్ధ పాత్రకు పర్ఫెక్ట్గా సెట్ అయ్యాడని.. ఆ అవకాశం దర్శకుడికి చరణ్ ఇవ్వలేదని చెప్పాడు మెగాస్టార్. ఇది కేవలం రామ్చరణ్ మాత్రమే చేసే పాత్ర కాదు.. ఇప్పుడున్న ఏ హీరో అయినా చేయగలడని.. కాకపోతే తండ్రీకొడుకులం కాబట్టి అది స్క్రీన్ మీద మరింత అందంగా కనిపిస్తుందని అని తెలిపాడు చిరంజీవి.
ఒకవేళ ట్రిపుల్ ఆర్ కారణంగా రామ్ చరణ్ ఈ సినిమా చేయకపోయి ఉండుంటే.. అప్పుడు పవన్ కళ్యాణ్ ఈ పాత్రకు సరిపోయేవాడని చెప్పాడు చిరంజీవి. అయితే తాను రామ్ చరణ్తో నటించినా.. కళ్యాణ్తో స్క్రీన్ షేర్ చేసుకున్నా ఒకే రకమైన అనుభూతి పొందుతానని చెప్పాడు అన్నయ్య. తనకు ఇద్దరూ ఒక్కటేనని.. పవన్ కూడా తన కొడుకు లాంటి వాడు అని చెప్పాడు చిరంజీవి. అందుకే ఈ సినిమాలో ఒకవేళ పవన్ కళ్యాణ్ ఉన్నా కూడా తనకు ఇదే రకమైన ఫీలింగ్ వచ్చేది అంటున్నాడు మెగాస్టార్. ఏదైనా ఒకే సినిమాలో పవన్ కళ్యాణ్, చిరంజీవిని కలిసి చూడాలని మెగా అభిమానుల కోరిక చాలా గట్టిగా ఉంది. ఆ కోరిక నెరవేర్చే దర్శకుడు ఎక్కడ ఉన్నాడో చూడాలి.
“Pooja Hegde | హ్యాట్రిక్ కొట్టొద్దు పూజాహెగ్డే..నెటిజన్ల సందేశాలు..!”
Chiranjeevi | తగ్గేదేలే అంటోన్న చిరంజీవి..అభిమానులకు తీపి కబురు..!”
“రిటైర్మెంట్ పై ఆ అగ్ర దర్శకుడు ఇంకా మనసు మార్చుకోలేదా..?”
“చరణ్ ఏడాదిలో ఎన్నిసార్లు అయ్యప్ప మాల వేస్తాడో తెలుసా..?”
ఆచార్య కోసం ఒక్క రూపాయి కూడా తీసుకోలేదంటున్న రామ్ చరణ్..”