AR Rahman | ర‌జ‌నీకాంత్ సినిమాల‌కు ప‌నిచేయ‌డం న‌ర‌కం: ఏఆర్ రెహ‌మాన్

ఏఆర్ రెహమాన్ (AR Rahman), ర‌జ‌నీకాంత్ (Rajinikanth)..ఈ లెజెండ‌రీల‌ కాంబినేష‌న్‌లో సినిమా వ‌స్తుందంటే చాలు మూవీ ల‌వ‌ర్స్ కు పండ‌గే. అయితే ర‌జ‌నీకాంత్ సినిమాకు ప‌నిచేయ‌డ‌మంటే న‌ర‌కంలా అనిపించేద‌ని చెప్పుకొచ్చాడు ఏఆర్ రెహ‌మాన్‌.

November 11, 2021 / 05:06 PM IST

AR Rahman | ర‌జ‌నీకాంత్ సినిమాల‌కు ప‌నిచేయ‌డం న‌ర‌కం: ఏఆర్ రెహ‌మాన్

ఏఆర్ రెహమాన్ (AR Rahman), ర‌జ‌నీకాంత్ (Rajinikanth) ..ఒక‌రు త‌న సంగీతంతో సినీ ప్రేక్షకుల‌ను కొత్త ప్ర‌పంచంలోకి తీసుకెళ్లే టాలెంట్ క‌లిగిన వ్య‌క్తి. మ‌రొక‌రు త‌న స్టైల్‌, మ్యాన‌రిజం, యాక్టింగ్‌తో ప్ర‌పంచ‌వ్యాప్తంగా కోట్లాదిమంది అభిమానులను సంపాదించుకుని సూప‌ర్‌స్టార్‌గా ఎదిగిన వ్య‌క్తి. ఈ లెజెండ‌రీల‌ కాంబినేష‌న్‌లో సినిమా వ‌స్తుందంటే చాలు మూవీ ల‌వ‌ర్స్ కు పండ‌గే. ర‌జ‌నీకాంత్ న‌టించిన ముత్తు (Muthu), శివాజీ..ది బాస్ (Sivaji..The Boss), రోబో (Enthiran), రోబో 2.0 చిత్రాల‌కు ఏఆర్ రెహ‌మాన్ మ్యూజిక్ అందించాడు.

ఈ సినిమాలు బాక్సాపీస్ వ‌ద్ద మ్యూజిక‌ల్ బ్లాక్ బాస్ట‌ర్ హిట్‌గా నిలిచాయో ప్ర‌త్యేకించి చెప్ప‌న‌వ‌స‌రం లేదు. అయితే ర‌జ‌నీకాంత్ సినిమాల‌కు ప‌నిచేసిన రోజులు అంత ఆహ్లాద‌క‌రంగా ఏం ఉండేవి కాద‌ని, ఆయ‌న సినిమాకు ప‌నిచేయ‌డ‌మంటే న‌ర‌కంలా అనిపించేద‌ని చెప్పుకొచ్చాడు ఆస్కార్ విన్నింగ్ మ్యూజిక్ డైరెక్ట‌ర్ ఏఆర్ రెహ‌మాన్‌. సినిమాల‌కు ప‌నిచేసినప్ప‌టి విష‌యాల‌ను గుర్తు చేసుకున్నారు.

ఓ ట్యూబ్ ఛాన‌ల్‌కు ఇచ్చిన ఇంట‌ర్వ్యూలో ఏఆర్ రెహ‌మాన్‌ మాట్లాడుతూ..ఇపుడు కొంత బెట‌ర్‌గా ఉంది. ఆ రోజుల్లో ర‌జ‌నీకాంత్ సినిమాల‌కు మార్చి కాలంలో ప‌నిచేయ‌డం మొద‌లు పెడితే దీపావ‌ళికి విడుద‌లయ్యేవి. సినిమాకు పాట‌లు, బీజీఎం చేయాల్సి ఉంటుంది. నేనుండే ప్ర‌దేశంలో విద్యుత్ చాలా విరివిగా ఉంటుంది. నా ద‌గ్గ‌ర రెండు జ‌న‌రేట‌ర్లుండేవి ఇది న‌ర‌కం. ర‌జనీకాంత్ చిత్రాల‌కు చాలా త‌క్కువ స‌మ‌యం ఉండ‌టంతో ఒత్తిడి అధికంగా ఉంటుందని, ఇది చాలా పెద్ద స‌మ‌స్య అని చెప్పుకొచ్చారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి