Anurag Kashyap | తంగలాన్ లాంటి విజువల్స్‌ను నేనిప్పటివరకు చూడలేదు : అనురాగ్ కశ్యప్‌

Chiyaan Vikram | కోలీవుడ్ స్టార్ హీరో చియాన్‌ విక్రమ్ (Chiyaan Vikram) నటిస్తున్న చిత్రాల్లో ఒకటి తంగలాన్ (Thangalaan). ఈ సినిమా నుంచి విడుదల చేసిన గ్లింప్స్ గూస్‌ బంప్స్ తెప్పిస్తూ టాక్ ఆఫ్‌ ది ఇండస్ట్రీగా నిలుస్తోంది. కాగా ఈ సినిమాను ప్రశంసలతో ముంచెత్తాడు బాలీవుడ్ డైరెక్టర్ అనురాగ్ కశ్యప్ (Anurag Kashyap)‌.

Chiyaan Vikram | ప్రయోగాత్మక సినిమాలు చేసే స్టార్ హీరోల్లో ఫస్ట్‌ ప్లేస్‌లో ఉంటాడు కోలీవుడ్ స్టార్ హీరో చియాన్‌ విక్రమ్ (Chiyaan Vikram). ప్రస్తుతం బ్యాక్ టు బ్యాక్ సినిమాలతో బిజీగా ఉన్న విక్రమ్‌ నటిస్తున్న చిత్రాల్లో ఒకటి తంగలాన్ (Thangalaan). పా రంజిత్ డైరెక్ట్‌ చేస్తున్నాడు. తమిళ్‌ అడ్వెంచరస్‌ హిస్టారికల్ డ్రామా నేపథ్యంలో వస్తోన్న ఈ సినిమా నుంచి విడుదల చేసిన గ్లింప్స్ గూస్‌ బంప్స్ తెప్పిస్తూ టాక్ ఆఫ్‌ ది ఇండస్ట్రీగా నిలుస్తోంది. కాగా ఈ సినిమాను ప్రశంసలతో ముంచెత్తాడు బాలీవుడ్ డైరెక్టర్ అనురాగ్ కశ్యప్ (Anurag Kashyap)‌.

సుహాసినితో అనురాగ్ కశ్యప్ జరిపిన చిట్‌ చాట్‌ సెషన్‌లో తంగలాన్ లాంటి విజువల్స్‌ను తాను ఇప్పటివరకు హిందీలో చూడలేదన్నాడు. దక్షిణాది నుంచి వచ్చే సినిమాలు చాలా ప్రభావితం చేసేలా ఉంటాయని, అలాంటి సినిమాలను చాలా స్పూర్తిగా తీసుకుంటానని చెప్పుకొచ్చాడు అనురాగ్ కశ్యప్‌. ఇప్పుడీ కామెంట్స్ నెట్టింట హల్ చల్ చేస్తున్నాయి. తాజా టాక్‌ ప్రకారం తంగలాన్‌ షెడ్యూల్ ఒకటి సోమవారం పూర్తి చేసుకుంది. కొత్త షెడ్యూల్‌ మధురైలో వారంపాటు కొనసాగనుంది. ఈ షెడ్యూల్‌తో తంగలాన్ షూటింగ్ పూర్తి కానుంది. ప్రీ ఇండిపెండెన్స్ పోర్షన్‌ను మధురైలో చిత్రీకరించనున్నట్టు సమాచారం. తంగలాన్‌ చిత్రాన్ని 2024 ప్రథమార్థంలో విడుదల చేయనున్నారు.

 

I don’t see visuals like #Thangalaan in Hindi, films from south are so rooted. I’m getting very inspired seeing such films – #AnuragKashyap#ChiyaanVikram | #PaRanjith pic.twitter.com/JJGn0AARej

— Kalaiarasan (@ikalaiarasan) June 26, 2023

తంగలాన్‌ గ్లింప్స్ వీడియో సినిమాపై క్యూరియాసిటీ పెంచేస్తుంది. ఈ చిత్రం 2డీ, 3డీ ఫార్మాట్లలో కూడా విడుదల కానుంది. ఈ చిత్రంలో మాళవికా మోహనన్‌, పార్వతి తిరువొత్తు ఫీ మేల్‌ లీడ్ రోల్స్ పోషిస్తున్నారు. తంగలాన్‌ కోలార్‌ గోల్డ్‌ ఫీల్డ్స్‌ (కేజీఎఫ్‌)లో జరిగిన వాస్తవ సంఘటనల ఆధారంగా తెరకెక్కుతోంది. ఈ చిత్రాన్ని స్టూడియో గ్రీన్, నీలమ్ ప్రొడక్షన్స్ బ్యానర్లపై కేఈ జ్ఞానవేళ్‌ రాజా నిర్మిస్తున్నారు. ఈ చిత్రానికి జీవీ ప్రకాశ్‌ కుమార్‌ సంగీతం అందిస్తున్నాడు.

విక్రమ్‌ మరోవైపు గౌత‌మ్ వాసు దేవ్ మీనన్ (Gautham Menon) డైరెక్షన్‌లో ధ్రువ నక్షత్రం.. చాప్టర్‌ వన్‌: యుద్ద కాండం (Dhruva Natchathiram)లో కూడా నటిస్తున్నాడు. స్పై థ్రిల్లర్‌ జోనర్‌లో వస్తోన్న ఈ మూవీలో ఐశ్వర్యారాజేశ్‌, సిమ్రాన్‌, రాధికాతోపాటు ఇతర నటీనటులు కీలక పాత్రల్లో నటిస్తున్నారు.

తంగలాన్ మేకింగ్ గ్లింప్స్‌ వీడియో..