మంచి రోజులు వచ్చాయి 2 డేస్ కలెక్షన్స్.. మారుతి రేంజ్‌కు ఇది సరిపోలే..

November 6, 2021 / 09:44 PM IST

Manchi rojulochaie movie collections | ఏక్ మినీ కథతో హిట్ కొట్టిన కుర్ర హీరో సంతోశ్‌ శోభన్, మెహ్రీన్ కౌర్ జంటగా మారుతి దర్శకత్వంలో తెరకెక్కిన సినిమా మంచి రోజులు వచ్చాయి. కేవలం 20 రోజుల్లో కథ రాసి 30 రోజుల్లో షూటింగ్ పూర్తి చేసి ఈ సినిమాను విడుదల చేశాడు మారుతి. ఒకవైపు గోపీచంద్ హీరోగా పక్కా కమర్షియల్ సినిమా చేస్తూనే మధ్యలో గ్యాప్ తీసుకుని కరోనా సమయంలో మంచి రోజులు వచ్చాయి పూర్తి చేశాడు ఈ దర్శకుడు. సాధారణంగా మారుతి సినిమా అంటే మినిమం గ్యారంటీ అనే ముద్ర ఉంటుంది. కానీ మంచి రోజులు వచ్చాయి సినిమా విషయంలో ఎందుకు అది జరగలేదు. ఈ సినిమాకు తొలిరోజు నుంచే కలెక్షన్స్ ఊహించినట్లు రావడం లేదు. మారుతి బ్రాండ్ ఉన్నా కూడా ఈ సినిమా వసూళ్లు మాత్రం అలా లేవు. దాదాపు 9 కోట్ల వరకు బిజినెస్ చేసిన ఈ సినిమా తొలి రెండు రోజుల్లో కనీసం 2 కోట్ల మార్క్ కూడా అందుకోలేదు.

నైజాం: 0.48 కోట్లు
సీడెడ్: 0.21 కోట్లు
ఉత్తరాంధ్ర: 0.12 కోట్లు
గుంటూరు: 0.10 కోట్లు
ఈస్ట్: 0.07 కోట్లు
వెస్ట్: 0.09 కోట్లు
కృష్ణా: 0.08 కోట్లు
నెల్లూరు: 0.07 కోట్లు

ఏపీ + తెలంగాణ: 1.22 కోట్లు షేర్

రెస్ట్ ఆఫ్ ఇండియా + ఓవర్సీస్: 0.16 కోట్లు

వరల్డ్ వైడ్ ఫస్ట్ వీక్ కలెక్షన్స్: 1.38 కోట్లు షేర్

మంచి రోజులు వచ్చాయి సినిమాకు దాదాపు 8.9 కోట్ల థియేట్రికల్ బిజినెస్ జరిగింది. ఇది బ్రేక్ ఈవెన్ కావాలంటే 9 కోట్లకు పైగా షేర్ వసూలు చేయాలి. తొలి 2 రోజులు కేవలం 1.38 కోట్ల షేర్ మాత్రమే వసూలు చేసింది ఈ సినిమా. అంటే ఇంకా 8 కోట్లకు పైగా తీసుకొస్తే కానీ సేఫ్ జోన్ లోకి రాదు. మరి రాబోయే రోజుల్లో మంచి రోజులు వచ్చాయి సినిమాకు మంచి రోజులు వస్తాయో లేదో చూడాలి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి