Fun bucket: బెయిల్‌పై విడుద‌లైన ఫన్ బ‌కెట్ భార్గ‌వ్ మ‌ళ్లీ జైలుకే..!

టిక్‌టాక్‌లో కామెడీ వీడియోలు చేస్తూ ఫేమ‌స్ అయిన ఫన్ బకెట్ భార్గవ్… అనంతరం,యూట్యూబ్ ఫన్ బకెట్ కామెడీ వీడియోలలో నటించాడు. ఈ క్రమంలో పలువురు అమ్మాయిలతో భార్గవ్ కి పరిచయం ఏర్పడింది. 14 ఏళ్ల బాలికపై అఘాయిత్యానికి ఒడిగట్టి జైలు పాలైన విషయం తెలిసిందే.. చెల్లి చెల్లి అని ఓ బాలికను లోబరుచుకోవడంతో ఆ బాలిక గర్భం దాల్చింది. దీంతో ఏప్రిల్ 16న బాలిక తల్లి పెందుర్తి పోలీసులను ఆశ్రయించారు.

విశాఖ సిటీ దిశ ఏసీపీ ప్రేమ్ కాజల్ ఆదేశాలతో పోలీసులు విచారణ జరిపారు.. ‘దిశ’, ఫోక్సో చట్టం కేసు నమోదు చేసి భార్గవ్‌ను హైదరాబాద్‌లో అదుపులోకి తీసుకుని రిమాండ్‌కి పంపారు. అయితే సుమారు 94 రోజులు రిమాండ్ ఖైదీగా ఉన్న భార్గ‌వ్ మళ్లీ యూట్యూబ్ వీడియోలు చేస్తూ వ‌స్తున్నాడు. జైలు నుండి వచ్చిన భార్గవ్, సోషల్ మీడియా వేదికగా తాను నిర్దోషిని అని చెప్పే ప్రయత్నం చేశారు. నెటిజెన్స్ మాత్రం అతనిపై తీవ్ర స్థాయిలో విరుచుకుపడ్డారు.

బెయిల్ పై బయటకు వచ్చాక… షరతులతో కూడిన బెయిల్ నిబంధనలను ఉల్లంఘించాడు భార్గవ్. దీంతో భార్గవ్ పై మెమో ఫైల్ చేశారు దిశ ఏసీపీ ప్రేమ్ కాజల్. కేసు విచారణలో ఉండగా సాక్షులను ప్రభావితం చేసేలా భార్గవ్ ప్రకటనలు చేసినట్టు మెమో లో పొందుపరిచారు పోలీసులు. దీంతో బెయిల్ రద్దు చేసి ఈ నెల 11 వరకూ రిమాండ్ విధించింది పోక్సో కోర్టు. న‌టుడుగా మంచి భవిష్య‌త్ ఉన్న భార్గ‌వ్ ఇలాంటి కేసులో ఇరుక్కొని త‌న జీవితం నాశ‌నం చేసుకున్నాడు.