బ్లాక్‌ అండ్‌ వైట్‌ చిత్రీకరణతో..

ప్రతాప్‌ పోతన్‌, అరవింద్‌ కృష్ణ, అలీ రెజా, ఊర్వశీరాయ్‌ ప్రధాన పాత్రల్లో నటిస్తున్న సినిమా ‘గ్రే’. అద్వితీయ మూవీస్‌ పతాకంపై కిరణ్‌ కాళ్లకూరి నిర్మాణంలో దర్శకుడు రాజ్‌ మాదిరాజు తెరకెక్కిస్తున్నారు. త్వరలో విడుదలకు సిద్ధమవుతున్నది

ప్రతాప్‌ పోతన్‌, అరవింద్‌ కృష్ణ, అలీ రెజా, ఊర్వశీరాయ్‌ ప్రధాన పాత్రల్లో నటిస్తున్న సినిమా ‘గ్రే’. అద్వితీయ మూవీస్‌ పతాకంపై కిరణ్‌ కాళ్లకూరి నిర్మాణంలో దర్శకుడు రాజ్‌ మాదిరాజు తెరకెక్కిస్తున్నారు. త్వరలో విడుదలకు సిద్ధమవుతున్నది. ఈ సందర్భంగా గురువారం హైదరాబాద్‌లో నిర్వహించిన కార్యక్రమంలో దర్శకుడు రాజ్‌ మాదిరాజు మాట్లాడుతూ…‘గతంలో మనదేశంలో 12 మంది అణుశాస్త్రవేత్తలు అదృశ్యమయ్యారు. వీరు ఏమయ్యారనేది తెలుసుకునేందుకు విదేశీ నిఘా సంస్థలు ఇన్వెస్టిగేషన్‌ చేపట్టాయి. ఈ ఘటనల నుంచి పుట్టినదే మా చిత్ర కథ. పూర్తిగా బ్లాక్‌ అండ్‌ వైట్‌లో చిత్రీకరించిన సినిమా ఇది. స్పై డ్రామాగా ప్రేక్షకులను ఆకట్టుకుంటుంది’ అన్నారు.