Mega Songs Trending | తండ్రీకొడుకుల పాటల హవా.. సోషల్ మీడియాను షేక్ చేస్తున్న మెగాస్టార్, మెగా పవర్ స్టార్

Chiranjeevi | టాలీవుడ్ మెగా ఫ్యామిలీ ప్ర‌స్తుతం సోష‌ల్ మీడియాను షేక్ చేస్తుంది. యూట్యూబ్‌తో పాటు, ఇన్‌స్టాగ్రామ్ రీల్స్‌ల‌లో ప్ర‌స్తుతం రెండు తెలుగు పాట‌లు ట్రెండింగ్‌లో నిలిచాయి.

Mega Trending  On Social Media | టాలీవుడ్ మెగా ఫ్యామిలీ ప్ర‌స్తుతం సోష‌ల్ మీడియాను షేక్ చేస్తుంది. యూట్యూబ్‌తో పాటు, ఇన్‌స్టాగ్రామ్ రీల్స్‌ల‌లో ప్ర‌స్తుతం రెండు తెలుగు పాట‌లు ట్రెండింగ్‌లో నిలిచాయి. అయితే ఆ రెండు పాట‌లు మెగా ఫ్యామిలీకే చెందిన‌వి కావ‌డం విశేషం. ఇందులో ఒక‌టి మెగాస్టార్ చిరంజీవి ‘మీసాల పిల్లా’ కాగా.. మ‌రోక‌టి మెగా ప‌వ‌ర్ స్టార్ చికిరి చికిరి పాట.

మెగాస్టార్ చిరంజీవి ‘మీసాల పిల్లా’
మెగాస్టార్ చిరంజీవి న‌టిస్తున్న తాజా చిత్రం ‘మన శంకర వర ప్రసాద్ గారు’. ఈ చిత్రం నుంచి ఇటీవల ఫ‌స్ట్ సింగిల్ మీసాల పిల్లా అనే పాటను చిత్ర‌బృందం విడుద‌ల చేసింది. ఈ పాట‌లో చిరంజీవి, నయనతార జంటగా నటించారు. గత నెలలో విడుదలైన ఈ పాట, రీల్స్ సృష్టికర్తల అభిమానాన్ని చూరగొని, యూట్యూబ్‌లో ట్రెండింగ్‌లో దూసుకుపోతోంది. ఆసక్తికర విష‌యం ఏమిటంటే మీసాల పిల్లా” పాట మొదట్లో ఆన్‌లైన్‌లో కొంత ట్రోలింగ్‌ను ఎదుర్కొన్నప్పటికీ క్రమంగా మాస్ ప్రేక్షకులను ఆకట్టుకుని, స్థానిక ఈవెంట్లు వేడుకల్లో ప్రముఖంగా వినిపించే పాటగా మారిపోయింది.

రామ్ చ‌ర‌ణ్ ‘చికిరి చికిరి’

ఇక చిరంజీవి తనయుడు రామ్ చరణ్ కూడా అదే స్థాయిలో అలజడి సృష్టిస్తున్నారు. ఇటీవల ‘గ్లోబల్ స్టార్’ ట్యాగ్‌ను తొలగించి, తన పాత టైటిల్ అయిన ‘మెగా పవర్ స్టార్’తో ముందుకు వచ్చిన రామ్ చరణ్ తన తాజా చిత్రం ‘పెద్ది’లోని తొలి పాట చికిరి చికిరి పాట‌తో అన్ని ప్లాట్‌ఫామ్‌లలో ట్రెండింగ్‌లో నిలిచారు. ఏ.ఆర్. రెహమాన్ స్వరపరిచిన ఈ పాట ప్రపంచవ్యాప్తంగా దాదాపు 13 దేశాల్లో యూట్యూబ్ మ్యూజిక్ చార్ట్‌లలో అగ్రస్థానంలో నిలిచింది. ఈ పాట కూడా మొదట్లో మిశ్రమ స్పందన అందుకున్నప్పటికీ, దాని విపరీతమైన రీచ్ మరియు పదే పదే వినాలనిపించే విలువ కారణంగా వైరల్ సంచలనంగా మారింది. ఒకేసారి తండ్రీకొడుకులు ఇద్దరూ మ్యూజిక్ చార్ట్‌లలో ఆధిపత్యం చెలాయించడం, తమ బ్లాక్‌బస్టర్ ట్రాక్‌లతో ఇంటర్నెట్‌ను హోరెత్తించడం చాలా అరుదుగా కనిపించే దృశ్యం.