హృదయాన్ని గిచ్చీ గిచ్చక.. ప్రాణాన్ని గుచ్చీ గుచ్చక…

పరశురామ్‌, విజయ్‌ దేవరకొండ కాంబోలో వచ్చిన ‘గీతగోవిందం’ ఎంతటి విజయాన్ని సాధించిందో తెలిసిందే. వీరిద్దరి కాంబినేషన్‌ని రిపీట్‌ చేస్తూ అగ్ర నిర్మాతలు దిల్‌రాజు, శిరీష్‌ నిర్మిస్తున్న చిత్రం ‘ఫ్యామిలీ స్టార్‌'. మృణాల్‌ఠాకూర్‌ కథానాయిక. ఏప్రిల్‌ 5న ఈ చిత్రం విడుదల కానుంది.

పరశురామ్‌, విజయ్‌ దేవరకొండ కాంబోలో వచ్చిన ‘గీతగోవిందం’ ఎంతటి విజయాన్ని సాధించిందో తెలిసిందే. వీరిద్దరి కాంబినేషన్‌ని రిపీట్‌ చేస్తూ అగ్ర నిర్మాతలు దిల్‌రాజు, శిరీష్‌ నిర్మిస్తున్న చిత్రం ‘ఫ్యామిలీ స్టార్‌’. మృణాల్‌ఠాకూర్‌ కథానాయిక. ఏప్రిల్‌ 5న ఈ చిత్రం విడుదల కానుంది. ప్రమోషన్‌లో భాగంగా ‘నందనందనా..’ అంటూ సాగే ఈ సినిమాలోని తొలిపాటను బుధవారం మేకర్స్‌ విడుదల చేశారు.

అనంత శ్రీరామ్‌ రాయగా, గోపీసుందర్‌ స్వరపరిచిన ఈ పాటను సిద్ధ్‌ శ్రీరామ్‌ ఆలపించారు. ‘ఏమిటిది.. చెప్పీ చెప్పనట్టుగా ఎంత చెప్పిందో.. సూచనలు ఇచ్చీ ఇవ్వనట్టుగా ఎన్నెన్నిచ్చిందో.. హృదయాన్ని గిచ్చీ గిచ్చక.. ప్రాణాన్ని గుచ్చీ గుచ్చక.. చిత్రంగా చెక్కింది దేనికో..’ అంటూ సాగిన లిరిక్‌ యువతరాన్ని కట్టిపడేసేలా ఉందని పలువురు అభిప్రాయపడుతున్నారు. ఈ పాట ‘ఫ్యామిలీస్టార్‌’ సినిమాకు ప్రత్యేక ఆకర్షణగా నిలుస్తుందని మేకర్స్‌ ధీమా వ్యక్తం చేస్తున్నారు. ఈ చిత్రానికి కెమెరా: కేయూ మోహనన్‌.