మదర్‌ సెంటిమెంట్‌తో ఎర్ర చీర

‘ఎర్రచీర’ మదర్‌సెంటిమెంట్‌తో కూడిన హారర్‌ చిత్రమని, చింతల్‌ ప్రాంతంలో జరిగిన యథార్థ సంఘటన ఆధారంగా సినిమాను తెరకెక్కించామని చెప్పారు చిత్ర దర్శక నిర్మాత సుమన్‌ బాబు.

‘ఎర్రచీర’ మదర్‌సెంటిమెంట్‌తో కూడిన హారర్‌ చిత్రమని, చింతల్‌ ప్రాంతంలో జరిగిన యథార్థ సంఘటన ఆధారంగా సినిమాను తెరకెక్కించామని చెప్పారు చిత్ర దర్శక నిర్మాత సుమన్‌ బాబు. బేబీ సాయి తేజస్విని, సుమన్‌బాబు, శ్రీరామ్‌, కమల్‌కామరాజు, కారుణ్య చౌదరి ప్రధాన పాత్రల్లో నటించిన ఈ సినిమా ఈ నెల 6న విడుదలకానుంది.

ఈ సందర్భంగా బుధవారం దర్శకనిర్మాత సుమన్‌ బాబు విలేకరులతో ముచ్చటించారు. 37 రోజుల్లో షూటింగ్‌ పూర్తి చేశామని, సీజీ వర్క్‌ కారణంగా సినిమా ఆలస్యమైందని, ఉన్నత ప్రమాణాలతో గ్రాఫిక్స్‌ను డిజైన్‌ చేశామని తెలిపారు. ఈ సినిమాకు సీక్వెల్‌గా అరకులో జరిగిన గిరిజన యథార్థ గాథతో ‘అంబిక’ (ఎర్రచీర-2) చిత్రానికి ప్లాన్‌ చేస్తున్నామని, అలాగే రాముడా?కృష్ణుడా? అనే రొమాంటిక్‌ కామెడీ సినిమా కూడా చేయబోతున్నామని సుమన్‌ బాబు తెలిపారు.