Visit:
ఆధ్యాత్మికత, మానవ సంబంధాల మేళవింపుగా రూపొందుతున్న వైవిధ్యకథాచిత్రం ‘ఏదైనా సాధ్యమే’. ‘దైవం తోడుంటే’ అనేది ఉపశీర్షిక. మద్దూరి రాజా దర్శకుడు. అనిల్ మునగనూరి నిర్మాత. నటీనటుల వివరాలు త్వరలో వెల్లడికానున్నాయి. ఈ సినిమా టైటిల్ ఆవిష్కరణ కార్యక్రమం గురువారం హైదరాబాద్లో జరిగింది.
ఇష్టదైవంతో అనుబంధాన్ని పెంచుకోవడం ద్వారా జీవితంలోని దుఃఖాల నుంచి బాధల నుంచి విముక్తి పొందవచ్చనే అంశాన్ని ఈ సినిమాలో చూపించనున్నామని, శ్రీ అమ్మ భగవాన్ బోధనల ఆధారంగా తెరకెక్కుతున్న సినిమా ఇదని, శ్రీ అమ్మ భగవాన్ చెప్పిన ఐదు సూత్రాల చుట్టూ ఈ కథ తిరుగుతుందని మేకర్స్ తెలిపారు. ఈ చిత్రానికి రచన: అనిల్ మునగనూరి, కెమెరా: రమేశ్, నిర్మాణం: శ్రీఆదిలక్ష్మి పిక్చర్స్.
