Asia Cup | ఆసియా క‌ప్ షెడ్యూల్ విడుద‌ల‌..సెప్టెంబ‌ర్ 5న భార‌త్, పాకిస్థాన్ మ్యాచ్..!

Asia Cup : ఆసియా దేశాలు పోటీప‌డే ఈ మెగా టోర్నీకి దుబాయ్ ఆతిథ్య‌మిస్తోందని, ఆగ‌స్టు నెల‌ఖ‌రులో మ్యాచ్‌లు ప్రారంభం కానున్నాయ‌ని ఆసియా క్రికెట్ మండ‌లి(ACC) తెలిపింది.

Asia Cup : క్రికెట్ అభిమానుల‌కు గుడ్‌న్యూస్. భార‌త్, పాకిస్థాన్ మ్యాచ్ మళ్లీ చూసే అవ‌కాశం రాబోతోంది. ఇటీవ‌లే మ‌హిళ‌ల వ‌న్డే ప్ర‌పంచ‌క‌ప్‌లో త‌ల‌ప‌డిన దాయాదులు ఈసారి ఆసియా క‌ప్‌(Asia Cup 2026)లో అమీతుమీ తేల్చుకోనున్నాయి. ఆసియా దేశాలు పోటీప‌డే ఈ మెగా టోర్నీకి దుబాయ్ ఆతిథ్య‌మిస్తోందని, ఆగ‌స్టు నెల‌ఖ‌రులో మ్యాచ్‌లు ప్రారంభం కానున్నాయ‌ని ఆసియా క్రికెట్ మండ‌లి(ACC) తెలిపింది. గురువారం టోర్నీ షెడ్యూల్ విడుద‌ల చేసింది ఏసీసీ.

ప్ర‌తిష్ఠాత్మ‌క మ‌హిళ‌ల ఆసియా క‌ప్ షెడ్యూల్ వ‌చ్చేసింది. దుబాయ్ ఇంట‌ర్నేష‌న‌ల్ క్రికెట్ స్టేడియంలో ఈ మెగా ఈవెంట్ నిర్వ‌హిస్తున్నామ‌ని గురువారం ఆసియా క్రికెట్ మండ‌లి వెల్ల‌డించింది. ఆగ‌స్టు 28 నుంచి పోటీలు మొద‌ల‌వుతాయని పేర్కొన్న ఏసీసీ.. అంద‌రూ ఆస‌క్తి క‌న‌బ‌రిచే భార‌త్, పాకిస్థాన్ మ్యాచ్ సెప్టెంబ‌ర్ 5న జ‌రుగ‌నుందని చెప్పింది.

🚨 INDIA vs PAKISTAN MATCH OF THE WOMEN’S ASIA CUP 2026 SET TO BE PLAYED AT DUBAI INTERNATIONAL STADIUM ON 5th SEPTEMBER 🚨#AsiaCup #INDvsPAK #INDvPAK pic.twitter.com/4MOJM8tvbs

— Cricket Lover 🏏 (@Crick97924Lover) August 6, 2026

🌏 | Women’s Asia Cup 2026 Fixtures:

Group A: 🇮🇳🇵🇰🇹🇭🇭🇰
Group B: 🇱🇰🇧🇩🇦🇪🇮🇩

28/8 – THA vs HNG
29/8 – SL vs U.A.E
30/8 – IND vs THA
31/8 – BAN vs INO
1/9 – PAK vs THA
2/9 – SL vs INO
3/9 – IND vs HNG
4/9 – U.A.E vs INO
5/9 – IND vs PAK
6/9 – SL vs BAN
7/9 – PAK vs HNG
8/9 – BAN vs… pic.twitter.com/elnIeZNlfH

— CricketGully (@thecricketgully) August 6, 2026

టాప్ – 2 జ‌ట్లు సెమీస్‌కు

రౌండ్ రాబిన్ ప‌ద్ధ‌తిలో జ‌రుగనున్న ఆసియా క‌ప్‌లో గ్రూప్ ఏ, గ్రూప్ బీలో ఐదేసి జ‌ట్లున్నాయి. భార‌త్, పాకిస్థాన్, చైనా, హాంకాంగ్, థాయ్‌లాండ్ మొద‌టి గ్రూప్‌లో.. ఆతిథ్య యూఈఏ, శ్రీ‌లంక‌, బంగ్లాదేశ్‌, ఇండోనేషియాలు గ్రూప్ బీలో ఉన్నాయి. లీగ్ ద‌శ‌లో పాక్‌తో పాటు చైనా, హాంకాంగ్, థాయ్‌లాండ్‌ను టీమిండియా ఢీకొట్ట‌నుంది.ప్ర‌తి గ్రూప్ నుంచి టాప్ – 2 జ‌ట్లు సెమీస్‌కు వెళ్తాయి. సెప్టెంబ‌ర్ 13న ఫైన‌ల్ మ్యాచ్‌తో విజేత ఎవ‌రో తేలిపోనుంది.