Eagle Movie | టాలీవుడ్ మాస్ మహారాజా రవితేజ కథానాయకుడిగా వచ్చిన తాజా చిత్రం ‘ఈగల్’. ఈ సినిమాకు కార్తీక్ ఘట్టమనేని దర్శకత్వం వహించగా.. పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ నిర్మించారు. ఈ సినిమా ఫిబ్రవరి 9న ప్రేక్షకుల మందుకు వచ్చి పాజిటివ్ టాక్తో దూసుకుపోతున్న విషయం తెలిసిందే. మొదటిరోజు నుంచే ఈ సినిమా కలెక్షన్స్లో దూసుకుపోతుంది.
తొలి రోజే రూ.11 కోట్లకుపైగా గ్రాస్ వసూళ్లతో చెలరేగిన ఈగల్.. తర్వాత రెండు రోజులు కూడా అదే దూకుడు కొనసాగించింది. మూడు రోజులు కలిపి ప్రపంచవ్యాప్తంగా రూ.30.6 కోట్లు వసూళ్లు రాబట్టింది. ఈ విషయాన్ని చిత్రయూనిట్ ఎక్స్ వేదికగా ప్రకటించింది. ఇక ఈ మూవీలో అనుపమపరమేశ్వరన్ ఫీ మేల్ లీడ్ రోల్లో నటించగా.. కావ్య థాపర్, నవదీప్, శ్రీనివాస్ అవసరాల, మధుబాల ఇతర నటీనటులు కీలక పాత్రల్లో నటించారు.
ఇది మాసోడి జాతర! ❤️🔥#Eagle 🦅 collects over 𝟑𝟎𝐂𝐑+ 𝐆𝐑𝐎𝐒𝐒 worldwide in 3 Days 🔥
Don’t miss the BLOCKBUSTER ACTION ENTERTAINER on the Big Screens near you now! 🔥
Book your tickets Now – https://t.co/jwxSyt0AT8#PublicBlockbusterEagle 💥🔥@Raviteja_offl… pic.twitter.com/wkMAFSzysh
— People Media Factory (@peoplemediafcy) February 12, 2024
ఇక ఈ సినిమా కథ విషయానికి వస్తే.. ‘ఈగల్’.. సహదేవ్వర్మ(రవితేజ) నడుపుతున్న ఓ సీక్రెట్ నెట్వర్క్. అటు పోలీసులకూ, ఇటు నక్సలైట్లు, తీవ్రవాదులతోపాటు ఇతర దేశాలకు చెందిన కొందరు వ్యక్తులకు కూడా ఈ ‘ఈగల్’ ఓ లక్ష్యంగా ఉంటుంది. చిత్తూరుజిల్లా తలకోన అడవుల్లోని ఓ దూది మిల్లుతోపాటు, పోలెండ్లో కూడా సహదేవ్వర్మ నడుపుతున్న ‘ఈగల్’ యాక్టివిటీస్ బహిర్గతమవుతుంటాయి. ఈ వ్యవహారంపై జర్నలిస్ట్ నళిని రాసిన ఓ కథనంతో ఈ కథ మొదలవుతుంది. అది చిన్న కథనమే అయినా.. దేశంలో పెను ప్రకంపనాలకు దారితీస్తుంది. కారణం ఆ కథనం ‘ఈగల్’కి చెందినది కావడమే. అసలు ఈ సహదేవ్ వర్మ ఎవరు? ఈగల్ నెట్వర్క్ టార్గెట్ ఏంటి? తలకోన అడవులకూ ‘ఈగల్’కు గల సంబంధమేంటి? ఈ ప్రశ్నలకు సమాధానమే మిగతా కథ.