Narayanapet | బస్సు సౌకర్యం కల్పించాలని పీడీఎస్‌యూ ఆధ్వర్యంలో రాస్తారోకో

Narayanapet | నారాయణపేట(Narayanapet) జిల్లా నారాయణపేట మండలం కోటకొండ రూట్లో బస్సులను(Bus facility) పునరుద్ధరించాలని పీడీఎస్‌యూ నాయకులు డిమాండ్‌ చేశారు. శుక్రవారం పీడీఎస్‌యూ(PDSU) ఆధ్వర్యంలో జిల్లా కేంద్రం సమీపంలోని సింగారం చౌరస్తా వద్ద రాస్తారోకో నిర్వహించారు.

నారాయణపేట రూరల్‌, జూలై 26 : నారాయణపేట(Narayanapet) జిల్లా నారాయణపేట మండలం కోటకొండ రూట్లో బస్సులను(Bus facility) పునరుద్ధరించాలని పీడీఎస్‌యూ నాయకులు డిమాండ్‌ చేశారు. శుక్రవారం పీడీఎస్‌యూ(PDSU) ఆధ్వర్యంలో జిల్లా కేంద్రం సమీపంలోని సింగారం చౌరస్తా వద్ద రాస్తారోకో నిర్వహించారు. ఈ సందర్భంగా పీడీఎస్‌యూ జిల్లా అధ్యక్షుడు సాయికుమార్‌ మాట్లాడుతూ రోడ్డు పనుల పేరిట చాలా రోజులుగా పలు గ్రామాలకు బస్సు సౌకర్యం నిలిపివేశారు.

దీంతో జిల్లా కేంద్రానికి విద్యనభ్యసించేందుకు వచ్చే విద్యార్థులు అవస్థలు పడుతున్నారని ఆవేదన వ్యక్తం చేశారు. ముఖ్యంగా రవాణా సౌకర్యం సరిగా లేకపోవడంతో బాలికలను వారి తల్లిదండ్రులు చదువు మాన్పించే పరిస్థితి ఏర్పడిందన్నారు. విషయం తెలుసుకున్న డిపో ఇన్‌చార్జి మేనేజర్‌ అలివేలు రాస్తారోకో వద్దకు చేరుకొని సోమవారం నుంచి బస్సులను పునరుద్ధరిస్తామని హామీ ఇవ్వడంతో రాస్తారోకో విరమించారు.