Bigg Boss season 5 telugu | సైలెంట్ కిల్లర్ ఆఫ్ ‘బిగ్ బాస్’ హౌజ్ ఎవరో తెలుసా..?

బిగ్ బాస్ (Bigg Boss House) ఇంట్లోకి వెళ్లి 19 మంది విభిన్నమైన మైండ్ సెట్ కలిగిన వ్యక్తులు..ఒక దగ్గర ఒక ఇంట్లో కలిసి ఉండడం అనేది ఎంత మాత్రం చిన్న విషయం కాదు.

బిగ్ బాస్ (Bigg Boss House) ఇంట్లోకి వెళ్లి అక్కడ అందరికీ నచ్చినట్టు ఉండడం అంటే అంత చిన్న విషయం కాదు. 19 మంది విభిన్నమైన మైండ్ సెట్ కలిగిన వ్యక్తులు..ఒక దగ్గర ఒక ఇంట్లో కలిసి ఉండడం అనేది ఎంత మాత్రం చిన్న విషయం కాదు. ఒకరికి నచ్చిన విషయం మరొకరికి నచ్చదు.. కొందరు కొందరితోనే కలిసి తిరుగుతారు..మరికొందరు ఒంటరిగా ఉండిపోతారు..ఎవరితోనూ పెద్దగా కలవరు.. ఇలా బిగ్ బాస్ (Biggboss Show) షో మొదలైన తర్వాత ఎన్నో చిత్ర విచిత్రమైన క్యారెక్టర్స్ మన కళ్ల‌ ముందు కనిపిస్తూ ఉంటాయి.

సీజన్ 5 మొదలైన తర్వాత కూడా ఇదే జరుగుతుంది. ఈ సారి కూడా 19 మంది భిన్నమైన ఆలోచనా విధానం కలిగిన కంటెస్టెంట్స్ వచ్చారు. అందులో ఇప్పటికే ఇద్దరు ఇంటికి వెళ్లిపోయారు. మిగిలిన 17 మంది టైటిల్ కోసం పరుగులు పెడుతున్నారు. ఇప్పటికే షో మొదలై రెండు వారాలు పూర్తి అయిపోయింది. ఈ 15 రోజుల్లో ఎవరు ఏంటి అనేది ప్రేక్షకులకు కూడా ఒక ఐడియా వచ్చింది. అయితే అందరిలో ఒక్కడు మాత్రం చాలా సైలెంట్ గా కనిపిస్తున్నాడు.

అతడి క్యారెక్టర్ కూడా సస్పెన్స్ గా ఉంది. తన ఆటను చాలా చక్కగా ఆడుతున్నాడు. ఇప్పటి వరకు కనీసం ఒక్కసారి కూడా నామినేషన్స్ లోకి రాలేదు.. ఇకపై వస్తాడు అనే ఆలోచన కూడా ఎవరికీ రావడం లేదు. ఎందుకంటే అందరితోనూ బాగున్నాడు.. అవసరం ఉన్నప్పుడు మాత్రమే కంటెంట్ ఇస్తున్నాడు. ఒక్కముక్కలో చెప్పాలంటే బిగ్ బాస్ సీజన్ 5 (Bigg Boss season 5) లో సూపర్ సైలెంట్ కిల్లర్ అతడు.. ఆయన ఎవరో ఈపాటికే అందరికీ అర్థమయ్యే ఉంటుంది..ఆ కుర్రాడే షణ్ముఖ్ జస్వంత్ (Shanmukh Jaswanth).

సోషల్ మీడియాలో మనోడికి ఏ రేంజిలో ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. ఒక్కసారి గానీ నామినేషన్స్ లోకి వచ్చాడు అంటే రికార్డు మెజారిటీతో సేవ్ అయ్యే సత్తా ఈయన సొంతం. అయితే నామినేషన్స్ తన వైపు రాకుండా చాలా జాగ్రత్తగా ఆడుకుంటున్నాడు షణ్ముఖ్ జస్వంత్. ఈయనతో పాటు ఉన్న సిరి నామినేషన్స్ లోకి వచ్చింది. కానీ షన్ను మాత్రం చాలా తెలివిగా ఆడుతున్నాడు. ఏ మాత్రం తక్కువ అంచనా వేశారో ఏకంగా టైటిల్ కూడా గెలిచే సత్తా ఈ కుర్రాడి సొంతం. మరి రాబోయే రోజుల్లో ఈ సైలెంట్ కిల్లర్ ఇంకా ఏమేం చేస్తాడో చూడాలి.

ఇవి కూడా చ‌ద‌వండి..

Tamannaah Bhatia| త‌న ఆరోగ్య స‌మ‌స్య‌ను దాచి పెట్టిన త‌మ‌న్నా..!

Aamir Khan | చిరంజీవి కోసం అమీర్ ఖాన్ స్పెష‌ల్ షో 

Gautham Menon | డాన్ లో మెరువ‌నున్న స్టార్ డైరెక్ట‌ర్..!

Viral Video | కొండ‌కోన‌ల్లో దారి త‌ప్పిన న‌టుడు.. గుర్తుప‌ట్టి సెల్ఫీలు దిగిన పోలీసులు