ముచ్చటగా మూడోసారి?..

గత ఏడాది సంక్రాంతికి వచ్చిన ‘నా సామిరంగ’ తర్వాత అగ్రహీరో అక్కినేని నాగార్జున నుంచి సినిమా రాలేదు. ప్రస్తుతం ఆయన ధనుష్‌ ‘కుబేర’, రజనీకాంత్‌ ‘కూలీ’ చిత్రాల్లో ప్రత్యేక పాత్రల్లో నటిస్తున్నారు.

గత ఏడాది సంక్రాంతికి వచ్చిన ‘నా సామిరంగ’ తర్వాత అగ్రహీరో అక్కినేని నాగార్జున నుంచి సినిమా రాలేదు. ప్రస్తుతం ఆయన ధనుష్‌ ‘కుబేర’, రజనీకాంత్‌ ‘కూలీ’ చిత్రాల్లో ప్రత్యేక పాత్రల్లో నటిస్తున్నారు. ఈ సినిమాలు త్వరలో విడుదల కానున్నాయి. అయితే.. సోలో హీరోగా ఆయన చేసే సినిమా కోసం అక్కినేని అభిమానులు ఆసక్తిగా ఎదురు చూస్తున్నారు. నాగ్‌ కూడా ప్రసుతం కథలు వినే పనిలోనే ఉన్నారని తెలుస్తున్నది. ఇదిలావుంటే.. రీసెంట్‌గా నాగ్‌కి డైరెక్టర్‌ పూరీ జగన్నాథ్‌ ఓ కథ వినిపించారట. నాగార్జునకు కూడా ఆ కథ బాగా నచ్చిందని సమాచారం. గతంలో వీరిద్దరి కాంబినేషన్లో ‘శివమణి’, ‘సూపర్‌’ సినిమాలు వచ్చాయి. వాటిలో ‘శివమణి’ బాగా ఆడింది. ఇప్పుడు ముచ్చటగా మూడోసారి వీరిద్దరూ కలవనున్నారని ఫిల్మ్‌ వర్గాల సమాచారం. ప్రసుతం పూరీకి హిట్‌ వాంటెడ్‌. మరి నాగార్జున కోసం ఆయన ఏ తరహా కథ రెడీ చేశారో.. ఈ సినిమాను ఏ నిర్మాత నిర్మిస్తాడో, అసలు ఇందులో వాస్తవాలెన్నో తెలియాలంటే ఇంకొన్ని రోజులు ఆగాల్సిందే.