Manipur Files | దమ్ముంటే మణిపూర్‌ ఫైల్స్‌ తీయండి.. కశ్మీర్‌ ఫైల్స్‌ దర్శకుడికి నెటిజన్‌ సవాలు

Manipur Files | జాతుల నడుమ సంఘర్షణతో మణిపూర్‌ అట్టుడికి పోతున్న విషయం తెలిసిందే. కుకీ మహిళలను వివస్త్రలను చేసి ఊరేగించిన అమానవీయ ఘటనపై దేశవ్యాప్తంగా ఆగ్రహావేశాలు పెల్లుబుకుతున్నాయి.

Manipur Files |  జాతుల నడుమ సంఘర్షణతో మణిపూర్‌ అట్టుడికి పోతున్న విషయం తెలిసిందే. కుకీ మహిళలను వివస్త్రలను చేసి ఊరేగించిన అమానవీయ ఘటనపై దేశవ్యాప్తంగా ఆగ్రహావేశాలు పెల్లుబుకుతున్నాయి. ఈ నేపథ్యంలో ‘మీకు దమ్ముంటే మణిపూర్‌ ఫైల్స్‌ను తీసి చూపించండి’ అంటూ ‘కశ్మీర్‌ ఫైల్స్‌’ దర్శకుడు వివేక్‌ అగ్నిహోత్రిని ఓ నెటిజన్‌ సోషల్‌మీడియా వేదికగా నిలదీయడం ఆసక్తికరంగా మారింది. వివేక్‌ అగ్నిహోత్రి దర్శకత్వం వహించిన ‘ది కశ్మీర్‌ ఫైల్స్‌ అన్‌రిపోర్టెడ్‌’ త్వరలో ఓటీటీలో స్ట్రీమింగ్‌ కానుంది.

ఈ నేపథ్యంలో ఈ సినిమా గురించి వివరిస్తూ వివేక్‌ అగ్నిహోత్రి ఓ ట్వీట్‌ చేశారు. దీనిపై ఓ నెటిజన్‌ ‘ఎన్ని రోజులు ఇవే సినిమాలు తీస్తావు. నువ్వు మగాడివైతే మణిపూర్‌ ఫైల్స్‌ను తీసి చూపించు’ అని ప్రశ్నించారు. ఈ ట్వీట్‌కు వివేక్‌ అగ్నిహోత్రి బదులిస్తూ ‘అన్ని సినిమాలు నేనే తీస్తా ఎలా..మీ టీమ్‌ ఇండియాలో చాలా మంది మగవాళ్లు ఉన్నారు కదా’ అంటూ వ్యంగ్య ధోరణిలో సమాధానాన్ని దాటవేసే ప్రయత్నం చేశారు. వివేక్‌ అగ్నిహోత్రి వ్యాఖ్యలపై నెటిజన్లు మండిపడుతున్నారు. దర్శకుడు వివేక్‌ అగ్నిహోత్రి వాస్తవాలను వక్రీకరించి సినిమాలు తీస్తూ ఓ రాజకీయ పార్టీకి కొమ్ముకాస్తున్నారని విమర్శలు వెల్లువెత్తాయి.