Dhurandhar 2 | బాక్సాఫీస్ ద‌గ్గ‌ర‌ దూసుకెళ్తున్న ‘ధురంధర్ 2’.. అనుకున్న స‌మ‌యానికి ముందే స్ట్రీమింగ్‌కు సిద్ధం

Dhurandhar 2 | భారీ అంచనాల మధ్య విడుదలైన ‘ధురంధర్ 2’ చిత్రం బాక్సాఫీస్ వద్ద అద్భుత ప్రదర్శనతో ప్రభంజనం సృష్టిస్తోంది. విడుదలైన మూడు వారాల్లోనే దాదాపు రూ.1700 కోట్ల గ్రాస్ వసూళ్లు సాధించిన ఈ సినిమా, త్వరలోనే రూ.1800 కోట్ల మార్కును అందుకునే దిశగా దూసుకెళ్తోంది.

Dhurandhar 2 | భారీ అంచనాల మధ్య విడుదలైన ‘ధురంధర్ 2’ చిత్రం బాక్సాఫీస్ వద్ద అద్భుత ప్రదర్శనతో ప్రభంజనం సృష్టిస్తోంది. విడుదలైన మూడు వారాల్లోనే దాదాపు రూ.1700 కోట్ల గ్రాస్ వసూళ్లు సాధించిన ఈ సినిమా, త్వరలోనే రూ.1800 కోట్ల మార్కును అందుకునే దిశగా దూసుకెళ్తోంది. ప్రపంచవ్యాప్తంగా ఈ చిత్రానికి మంచి ఆదరణ లభిస్తుండగా, ఇప్పటికీ అనేక థియేటర్లలో డీసెంట్ కలెక్షన్లతో తన సత్తాను కొనసాగిస్తోంది. అయితే ఐపీఎల్ సీజన్ ప్రభావం, అలాగే సినిమా సుదీర్ఘమైన రన్‌టైమ్ కారణంగా రూ.2000 కోట్ల మైలురాయిని చేరుకోవడం కాస్త కష్టంగా కనిపిస్తోంది. అయినప్పటికీ, ప్రస్తుత వసూళ్ల దృష్ట్యా ఇది ఇప్పటికే ఇండస్ట్రీ హిట్ దిశగా పయనిస్తున్న చిత్రంగా ట్రేడ్ వర్గాలు విశ్లేషిస్తున్నాయి.

ఇక ఈ సినిమాకు సంబంధించిన ఓటీటీ విడుదలపై కూడా భారీ చర్చ నడుస్తోంది. మొదటి భాగం నెట్‌ఫ్లిక్స్‌లో విడుదలై రికార్డులు సృష్టించిన సంగతి తెలిసిందే. దీంతో రెండో భాగానికి కూడా అదే సంస్థ భారీగా రూ.250 కోట్ల ఆఫర్ ఇచ్చినట్లు సమాచారం. అయితే, మేకర్స్ ఆ ఆఫర్‌ను తిరస్కరించి, తమ సొంత ఓటీటీ ప్లాట్‌ఫామ్ అయిన జియో హాట్ స్టార్‌లోనే ఈ చిత్రాన్ని విడుదల చేయాలని నిర్ణయించుకోవడం విశేషంగా మారింది. ముందుగా ఈ చిత్రాన్ని సెప్టెంబర్ నెలలో డిజిటల్ స్ట్రీమింగ్‌కు తీసుకురావాలని భావించినప్పటికీ, థియేట్రికల్ రన్ క్రమంగా తగ్గుతున్న నేపథ్యంలో ప్లాన్‌లో మార్పులు చోటుచేసుకున్నాయి. తాజా సమాచారం ప్రకారం, మే నెలాఖరు లేదా జూన్ మొదటి వారంలోనే ‘ధురంధర్ 2’ ఓటీటీ ప్రీమియర్ జరగవచ్చని టాక్ వినిపిస్తోంది.

థియేటర్లలో ఈ సినిమాను మిస్ అయిన ప్రేక్షకులకు, లేదా మళ్లీ చూడాలని ఆశించే అభిమానులకు ఈ ఓటీటీ విడుదల శుభవార్తగా మారనుంది. ఇక ఈ విషయంపై అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు. మొత్తానికి, బాక్సాఫీస్ వద్ద రికార్డులు సృష్టిస్తున్న ‘ధురంధర్ 2’ సినిమా, త్వరలోనే ఓటీటీ వేదికగా కూడా ప్రేక్షకులను అలరించడానికి సిద్ధమవుతోంది.