Visit:
Dhurandhar 2 | ఇండియాలో అత్యంత ఆసక్తిగా ఎదురుచూస్తున్న సినిమాల్లో “ధురంధర్ 2” ఒకటి. విడుదలకు ఇంకా కొద్ది రోజుల సమయం మాత్రమే ఉన్న నేపథ్యంలో ఈ చిత్రం భారీ క్రేజ్ ను సంపాదించుకుంది. ముఖ్యంగా ప్రీమియర్ షోల అడ్వాన్స్ బుకింగ్స్ లో ఈ సినిమా కొత్త రికార్డులను నమోదు చేస్తూ దూసుకెళ్తోంది. దర్శకుడు ఆదిత్య ధర్ తెరకెక్కించిన ఈ భారీ యాక్షన్ ఎంటర్టైనర్ మార్చి 19, 2026న ప్రపంచవ్యాప్తంగా విడుదలకు సిద్ధమవుతోంది. ట్రైలర్ విడుదలైన వెంటనే ఈ సినిమాపై ప్రేక్షకుల్లో భారీ ఆసక్తి నెలకొంది. గత వారం ట్రైలర్ రిలీజ్ అయిన తర్వాత ప్రీమియర్ షోల కోసం అడ్వాన్స్ బుకింగ్స్ ప్రారంభించగా, టికెట్లు హాట్ కేకుల్లా అమ్ముడవుతున్నాయి.
అడ్వాన్స్ బుకింగ్స్ మొదలైన 24 గంటల్లోనే కేవలం బుక్మైషో ప్లాట్ఫామ్లోనే సుమారు 87 వేల టికెట్లు అమ్ముడయ్యాయి. మార్చి 9 ఉదయం నాటికి అదే ప్లాట్ఫామ్లో ఈ సంఖ్య 1.5 లక్షలకు పైగా చేరింది. ఇతర టికెట్ బుకింగ్ ప్లాట్ఫామ్లను కూడా కలిపితే మొత్తం ప్రీమియర్ టికెట్ల సంఖ్య 2 లక్షలను దాటినట్లు సమాచారం.సినిమా ట్రేడ్ వర్గాల సమాచారం ప్రకారం, ఇప్పటివరకు ప్రీమియర్ షోల కోసం దేశవ్యాప్తంగా సుమారు 2.06 లక్షల టికెట్లు అమ్ముడయ్యాయి. ఈ టికెట్ల అమ్మకాల ద్వారా దాదాపు రూ.12.29 కోట్ల వసూళ్లు నమోదయ్యాయి. ఇందులో ఎక్కువ భాగం ఒరిజినల్ హిందీ వెర్షన్ నుంచే వచ్చినట్లు తెలుస్తోంది.
ఆశ్చర్యకరమైన విషయం ఏమిటంటే, తమిళ డబ్బింగ్ వెర్షన్ కూడా మంచి స్పందన దక్కించుకుంది. ప్రీమియర్ షోల నుంచే తమిళ వెర్షన్ దాదాపు రూ.10 లక్షల వసూళ్లు సాధించిందని సమాచారం. మొత్తం మీద ప్రీమియర్ షోల ద్వారా అత్యధిక వసూళ్లు సాధించిన హిందీ సినిమాగా “ధురంధర్ 2” కొత్త రికార్డు సృష్టించింది. ఇంతకు ముందు బాలీవుడ్లో ఈ రికార్డు “స్ట్రీ 2” పేరిట ఉండేది. ఆ సినిమా ప్రీమియర్ షోల ద్వారా సుమారు రూ.10 కోట్ల వసూళ్లు సాధించింది. అయితే ఇప్పుడు ఆ రికార్డును “ధురంధర్ 2” సులభంగా అధిగమించి కొత్త మైలురాయిని నెలకొల్పింది. ఇంకా ప్రీమియర్ షోలకు దాదాపు తొమ్మిది రోజుల సమయం ఉండటంతో ఈ వసూళ్లు మరింత పెరిగే అవకాశం ఉందని ట్రేడ్ విశ్లేషకులు భావిస్తున్నారు. ఆసక్తికర విషయం ఏమిటంటే, కొన్ని సినిమాల మొదటి రోజు వసూళ్ల కంటే కూడా “ధురంధర్ 2” ప్రీమియర్ షోల ద్వారా ఎక్కువ కలెక్షన్లు రావడం ఇప్పుడు సినీ వర్గాల్లో హాట్ టాపిక్ గా మారింది.
